Bejn it-13 ul-15 ta’ Settembru, fil-Padiljun tal-Basketball f’Ta’ Qali, ssir it-tielet edizzjoni tal-Elite Basketball Tournament . Din is-sena ser jilagħbu t-timijiet ta’ Gżira Athleta, Starlites u Depiro Hoops filwaqt li SiGMA Depiro ser jilagħbu kontra t-tim Amerikan fl-Elite Cup Final.
“Ħa jkunu tlett iljieli ta’ baskitbol ta’ livell għoli fejn it-timijiet lokali ser ikollhom l-opportunita jilagħbu kontra timijiet Amerikani ta’ livell għoli. Dan hu żmien important għal timijiet lokali fejn ikunu għaddejjin bil-preparamenti tagħhom għal istaġun li ġej. L-Elite Basketball jagħtu importanza lil aspett taż-żgħażagħ fejn ser ikunu qed jorganizzaw kamp tal-baskitbol ta’ ġurnata għal tfal minn 11 il-sena sa 18 il-sena nhar it-Tlieta 12 ta’ Settembru. Ser tkun esperjenza sabiħa għal min jattendi fejn ser ikollhom l-opportunita li jitgħallmu u jittrenjaw taħt kowcis ta’ livel għoli Amerikani. Waqt il-kamp ser ikollho iċ-ċans jintaqgħu mal-plejers ta’ USA Select” qal Ruben Baldacchino, organizzatur ta’ l-Elite Basketball Tournament
Il-program tal-logħob ser ikun hekk:
L-Erbgħa 13 ta’ Settembru: 18:00 USA Select vs Gzira Athleta
Il-Ħamis 14 ta’ Settembru: 18:00 USA Select vs Starlites
Il-Ġimgħa 15 ta’ Settembru: 18:00 USA Select B vs Depiro Hoops
Il-Ġimgħa 15 ta’ Settembru, Elite Basketball Cup:
19:00 SiGMA Depiro vs USA Select
USA Select ser ikunu mmexxija minn Mr. Sean Kilmartin u l-Head Coach Andrea Stinson li ħa tikkowċja lit-tim ta’ USA Select team. Ms. Stinson m’għandha bżonn l-ebda introduzzjoni hekk kif is-suċċessi tagħha jitkellmu għaliha.
“Coach Stinson ġiet mażghula darbtejn bħala WNBA ALL Star u anke kellha l-flokk irtirat mit-timijiet ta’ Charlotte Stings u NC State fejn anke rebħet l-unur ta’ ACC tal-player tas-sena. Hi ser tkun l-ewwel plejer ALL Star mill-kampjonat tant segwit ta’ WNBA li ser iżżur Malta u l-esperjenza tagħha żgur ha tkun valur miżjud għal dan l-avveniment speċjalment għaż-żgħażagħ Maltin. Ċerti li Ms. Stinson hi mudell li t-tfal jistgħu jikkupjaw fejn wieħed jargħaf is-suċċessi tagħha bħala plejer fid-dinja tal-baskitbol.”
USA Select ħa jibdew it-tour tagħhom fir-Renju Unit fejn ser jilagħbu mat-timijiet li jikkompetu fl-ogħla livell bħal Leicester Riders u Gloucester City Kings qabel ma jaslu Malta. Mr. Ruben Baldacchino l-organizzatur ta’ dan l-avveniment jikkonkludi billi jirrimarka d-diffikultajiet li jsibu biex jorganizzaw dan it-tip ta’ avvenimenti sportivi,
“Biex iġġib timijiet ta’ dan il-livell mhux faċli, fejn l-ewwel sena kellna d-diffikultajiet ta’ Covid-19 u l-aħħar sentejn ma sibna l-ebda għajnuna ta’ sponsorships li tagħmilha diffiċli biex torganizza dawn l-avvenimenti. Jekk ma jkollniex għajnuna mill-awtoritajiet ser tkun iebsa biex nibqgħu norganizzawh. Ix-xewqa hi li nġibu iktar timijiet ta’ livell għoli lejn Malta imma dan ma jistax isir mingħajr għajnuna ta’ sponsors” temm jgħid Baldacchino.
