Sirens huma ċ-Champions tal-Kampjonat BOV tal-Water Polo tan-Nisa 2023.
Sirens kienu qed igawdu minn vantaġġ ta’ żewġ punti fuq Sliema qabel l-aħħar logħba tal-istaġun, u assiguraw il-kampjonat permezz ta’ rebħa bl-iskor ta’ 12-10 fuq l-istess Sliema biex kisbu t-titlu għat tieni sena konsekuttiva kif ukoll il-Kampjonat BOV Water Polo tan-Nisa tax-Xitwa li rebħu aktar kmieni din is-sena.
Joseph Agius, Uffiċjal Kap tat-Teknoloġija fil-Bank of Valletta u Randolph Cauchi, Viċi President tal-Assoċjazzjoni tal-Isport Akkwatiku ta’ Malta ppreżentaw it-trofew tal-Kampjonat BOV Water Polo tan-Nisa lil Sirens.
