Paul Pace, l-President tal-union tal-Infermiera u l-Qbiela (MUMN) ressaq protest ġudizzjarju biex jitlob li ssir investigazzjoni dwar kif informazzjoni kunfidenzjali mir-records tal-personali tiegħu spiċċat f’idejn Manuel Cuschieri li jippreżenta programm fuq il-media tal-Partit Laburista.
Pace, fil-preżent huwa s-suġġett ta’ investigazzjoni interna dwar abbuż ta’ sahra, li tnediet b’riżultat ta’ allegazzjonijiet li saru mill-istess preżentatur tal-programm ta’ propoganda favur il-Partit Laburista. F’April, jumejn biss wara li l-MUMN issospendiet sensiela ta’ direttivi maħruġa lill-infermiera fiċ-ċentri tas-saħħa u fl-Isptar Ġenerali t’Għawdex, fi żmien meta t-taħditiet bejn l-MUMN u l-Ministeru tas-Saħħa dwar il-kundizzjonijiet tax-xogħol tal-infermiera kienu waqfu, Cuschieri uża r-radju fejn akkuża lil Pace li talab diversi sigħat ta’ sahra fl-Isptar Monte Karmeli, meta kien, fil-fatt, kien fuq btala fl-Eġittu.
Pace ċaħad l-allegazzjonijiet, u qal lit-Times li se “jistenna mingħajr biża’ li l-investigazzjoni tiġi konkluża.” Fi protest ġudizzjarju mressaq minn Pace kontra l-Ministeru tas-Saħħa u kapijiet eżekuttivi tal-isptarijiet Monte Carmeli u Mater Dei, huwa stqarr li xi ħadd kien għadda informazzjoni estratta mir-records personali tal-impjegati tiegħu minn wieħed mill-isptarijiet lil Cuschieri, li pproċeda biex xandar din l-informazzjoni fuq ir-radju u t-televiżjoni, “bi ksur fragranti tal-liġi tal-protezzjoni tad-data u possibilment liġijiet oħra.”
Meta ta dik l-informazzjoni, is-sors ta’ Cuschieri kien kiser ukoll l-Att dwar l-Amministrazzjoni Pubblika u r-Regolamenti Dixxiplinari tas-Servizz Pubbliku, qal Pace. Sussegwentement ħarġu allegazzjonijiet aktar dettaljati f’post fuq Facebook li ttella’ lejn l-aħħar tax-xahar li għadda mill-avukat Jason Azzopardi.
“Mela, jekk thedded lill-Gvern bi strajk mill-infermiera, ma tiġix arrestat jew interrogat fuq frodi ta’ €90,000 li ammettiet għaliha bil-miktub, u ma titkeċċix mill-impjieg tiegħek fil-Gvern,” tgħid il-post ta’ Azzopardi.
Proċedimenti dixxiplinari kontra Pace li tnedew b’riżultat tal-allegazzjonijiet li dehru fi storja fuq il-paġna ta’ quddiem fuq is-Sunday Times of Malta, kienu ħarġu fil-ġurnal minn xi ħadd li “evidentement kellu l-informazzjoni relattiva kollha dwar dawk il-proċeduri,” qal Pace.
Din l-informazzjoni ngħatat lis-Sunday Times proprju l-għada li maġġoranza assoluta tal-membri tal-MUMN kienu approvaw il-ftehim settorjali ġdid, li kemm il-protestanti, bħala President u kelliem għall-MUMN kif ukoll l-Uffiċċju tal-Prim Ministru kellhom faħħru dan il-ftehim…” jgħid il-protest ġudizzjarju.
Il-leak ta’ din l-informazzjoni lis-Sunday Times of Malta mhux biss kisret il-liġi, iżda kienet ukoll “att ta’ disprezz bla xkiel lejn il-Bord tad-Dixxiplina,” li kien inħatar biex jisma’ u jiddeċiedi l-każ kontrih, qal Pace.
Il-protest ġudizzjarju, iffirmat mill-avukat Chris Cilia, jgħid li qed jiġi nnotifikat ukoll lis-Segretarju Permanenti Ewlieni, mingħajr ma jsemmih bħala parti fil-kawża, biex jassigura li l-investigazzjoni ssir.
