It-tieni edizzjoni tal-Venti Music Fest, se tittella’ fi Pjazza tal-Kortil tal-Granmastru f’Ħal Qormi nhar is-Sibt 16 ta’ Settembru.
Esperjenza elettrifikanti li se tolqot il-gosti ta’ kulħadd fil-mużika. Din is-sena, Venti Music Fest ser jinkludi wirja ta’ artisti lokali li jkopru diversi ġeneri rock.
Il-bibien jiftħu fit-8pm, u l-mużika tibqa’ għaddejja sa tard bil-lejl. Id-dħul ser ikun b’xejn.
Wieħed mill-organizzaturi tal-avveniment qal li “ma nistgħux inkunu aktar eċċitati dwar il-lineup ta’ din is-sena, li jinkludi lil Ivan Grech u l-band tiegħu bħala headliner tagħna, appoġġjati minn Amber u Kersten Graham.”
Għal aktar informazzjoni u biex iżżomm ruħek aġġornat tista’ żżur il-paġna ta’ Facebook – Venti Music Fest.
Venti Music Fest 2023 se tkun ċelebrazzjoni ta’ mużika ‘live’, unità u ferħ.
