Madwar 6,800 immigrant waslu b’dgħajjes żgħar fiz-zona ta’ Lampedusa jitolbu għal port sigur, persuni li kollha waslu f’inqas minn 24 siegħa.
Il-wasla ta’ dawn il-persuni bdiet kmieni t-Tlieta wara li dawn telqu mit-Tunesija. Franza u l-Ġermanja qed jirrifjutaw li jgħinu lill-Italja meta persuni jidħlu fiz-zoni Taljani permezz tal-baħar.
Jidher li l-gżira għandha biss madwar 450 sodda għall-immigranti li jaslu fiz-zona tal-pajjiż u b’hekk kienet sitwazzjoni diffiċli quddiem l-eluf li waslu fuq il-gżira.
