Mill-inqas tliet membri ta’ tim ta’ salvataġġ Grieg u tliet membri ta’ familja Libjana mietu wara li kienu nvoluti f’inċident tat-traffiku fil-belt ta’ Derna …wara l-għargħar kbir li ħakem lil dan il-pajjiż.
Il-membri tas-salvataġġ kienu parti minn tim li kien qed jivvjaġġa b’karozza tal-linja lejn Derna, il-Ħadd, meta l-vettura tagħhom ħabtet ma’ karozza li fiha kien hemm din il-familja.
Il-ħabta ħalliet ukoll għaxar persuni feruti gravi; tnejn li kienu fil-karozza u tmienja li kienu fuq il-karozza tal-linja.
Bħalissa għaddejja investigazzjoni biex jiġu ddeterminati ċ-ċirkostanzi tal-ħabta.
