Skeletru rari ta’ dinosawru mlaqqam Barry se jkun qed jinbiegħ f’irkant li se jsir f’Pariġi x-xahar li ġej.
L-iskeletru hu maħsub li jmur lura daqs 150 miljun sena wara studju li kien sar fuqu meta kien instab fid-disgħinijiet f’Wyoming.
L-iskeletru kien instab mill-paleontologu, Barry James preservat tajjeb ħafna tant li kważi rnexxilhom jgħaqqdu l-iskeletru kollu tiegħu, li fih għoli ta’ 2.1 metru u tul ta’ 5 metri.
L-irkant mistenni li jsir fl-20 ta’ Ottubru, bl-iskeletru mistenni li jinbiegħ għal madwar €1.2 miljun.
