Id-debutt ta’ Brighton fil-kompetizzjonijiet ewropej ma kienx dak mixtieq minnhom hekk kif it-tim immexxi minn De Zerbi tilef l-ewwel logħba fl-Europa League kontra AEK Athens 3-2.
It-tim Grieg dejjem kien fil-vantaġġ bi Brighton għal darba darbtejn jiksbu l-goal tad-draw minn penalties it-tnejn skorjati minn Joao Pedro.
Iżda għat-teielt vantaġġ ta’ AEK skorjat minn Ponce fl-84 minuta Brighton ma kellhomx risposta biex b’hekk id-debutt assolut tagħhom fil-kompetizzjonijiet ewropaej kien negattiv.
Iż-żewġ timijiet l-oħra Ngliżi fil-kompetizzjoni, Liverpool u West Ham kisbu rebħiet identiċi ta’ 3-1, rebħiet li waslu wara li huma kienu minn taħt.
Fl-Awstrija LASK marru fil-vantaġġ b’goal ta’ Flecker wara 14-il minuta u Liverpool kellhom jistennew sa wara l-intervall biex wettqu r-rimonta tagħhom.
Kien Darwin Nunez li kiseb il-goal tad-draw fis-56 minuta u seba’ minuti wara Luis Diaz poġġa lir-reds fil-vantaġġ.
L-Eġizzjan Mo Salah skorja t-tielet goal ta’ Liverpool żewġ minuti mit-tmiem.
Fl-istadium Olimpiku ta’ Londra, West Ham ukoll kellhom jiġru wara r-riżultat kontra s-serbi ta’ TSC.
Kollox seħħ fit-tieni taqsima fejn wara erba’ minuti Stanic fetaħ l-iskor għal TSC. Autogoal ta’ Petrovic fis-66 minuta witta t-triq għar-rimonta ta’ West Ham.
Il-Hammers marru fil-vantaġġ permezz ta’ Kudus fis-70 minuta u Soucek għalaq il-logħba bit-tielet goal fit-82 minuta.
It-timijiet Taljani ukoll bdew b’rebħa fl-Europa League, Roma kontra Sheriff u Atalanta f’darhom kontra l-pollakki ta’ Rakow.
Fil-Moldova Roma fetħu l-iskor ftit qabel l-intervall b’auogoal ta’ Kiki, iżda Tovar kiseb id-draw fis-57 minuta.
Romelu Lukaku skorja l-goal tar-rebħa ta’ Roma tmien minuti wara.
F’Bergamo Atalanta għelbu lil Rakow b’żewġ goals fit-tieni taqsima. De Keteleare fetaħ l-iskor b’daqqa ta’ ras u Ederson irdoppja fis-66 minuta.
Fil-Conference League Fiorentina kienu miżmuma fi draw ta’ 2-2 kontra Genk.
Ranieri skorja doppjetta għal Vjola fl-ewwel taqsima, b’Zeqiri jikseb draw momentarju għal Genk.
It-tieni goal tad-draw tal-Belġjani kien skorjat minn McKenzie ħames minuti mit-tmiem.
Aston Villa bdew b’telfa ta’ 3-2 fil-Polonja kontra Legia Warsaw.
Għal Villa goals ta’ Duran u Digne filwaqt li għal Legia goals ta’ Wszolek u doppjetta ta’ Ernest Muci.
Riżultati
Europa League
Leverkusen 4-0 Hacken
LASK 1-3 Liverpool
Panathinaikos 2-0 Villarreal
Qarabag 1-0 Molde
Rennes 3-0 Maccabi Haifa
Royal SG 1-1 Toulouse
Servette 0-2 Slavia Prague
Sheriff 1-2 Roma
Ajax 3-3 Marseille
Atalanta 2-0- Rakow
Brighton 2-3 AEK Athens
Olympiacos 2-3 Freiburg
Rangers 1-0 Betis
Sparta Prague 3-2 Aris
Sturm Graz 1-2 Sporting
West Ham 3-1 TSC
Conference League
E.Frankfurt 2-1 Aberdeen
Fenerbahce 3-1 Nordsjaelland
Ferencvaros 3-1 Cukaricki
Genk 2-2 Fiorentina
HJK 2-3 PAOK
Legia 3-2 Aston Villa
Ludogorets 4-0 S. Trnava
Zrinjski 4-3 AZ Alkmaar
Brugge 1-1 Besiktas
D. Zagreb 5-1 Astana
Zorya Luhansk 1-1 Gent
Lugano 0-0 Bodo/Glimt
Maccabi TA 3-2 Breidablik
Plzen 1-0 Ballkani
S. Bratislava 2-1 Klaksvik
