Illejla se tittella’ s-serata finali tat-30 edizzjoni tal-Konkors Kanzunetta Indipendenza… festival li huwa rinomant mal-festi li jfakkru l-kisba ta’ Malta Indipendenti.
Minbarra li l-pubbliku llejla se jkun jista’ jsegwi l-20 kanzunetta finalista, se jkun hemm ukoll bosta mistiedna speċjali fosthom il-band Different Minds, Claudia Faniello, kif ukoll ir-rebbieħa tal-Konkors Kanzunetta Indipendenza tal-2021 Cherylis li se tniedi kanzunetta ġdida.
Fil-finali se jingħata wkoll rikonoxximent lill-kantant jew kantanta li jiġi ivvutat mit-telespettaturi bħala rikonoxximent għall-ħidma tiegħu jew tagħha b’risq il-kanzunetta Maltija.
Is-serata tal-lejla bi preżentazzjoni ta’ Valerie Vella u Chris Grech tibda fit-tmienja nieqes kwart u se tkun qed tixxandar live fuq Net Television.
