It-triatleta Keith Galea kompla jiddistingwi ruħu f’kompetizzjonijiet internazzjonali.
L-aħħar impenn kien f’Erkner 70.3 ironman lil hinn minn Berlin. Huwa temm fil-ħames post minn 176 triatleta fis-settur tal-età bejn il-35 u 39 sena.
Huwa temm f’4 sigħat 15-il minuta u 30 sekonda li kien tlett minuti ‘l bogħod mir-rebbieħ tal-kategorija.
Fatt kurjuz li Keith Galea ma setax jikkompeti bir-rota tiegħu wara li mhux biss waslet jumejn tard iżda wkoll bi ħsara tant li kellu juża rota ta’ riżerva ta’ partecipant mill-Ġermanja, liema rota ma kienetx skond il-qies u esiġenzi tal-istess Galea.
Fil-klassifika ġenerali Galea temm fit-32 post fost 1,363 parteċipant u fit-32 post fost l-1,104 parteċipant raġel.
