“Politiku li emmen bi sħiħ fil-proġett Ewropew.”
Hekk saħaq id-Deputat Nazzjonalista Beppe Fenech Adami wara t-tħabbira tat-telfa ta’ Giorgio Napolitano.
Il-Partit Nazzjonalista sellem il-memorja ta’ Napolitano li ħalla din id-dinja fl-aħħar sigħat u ntqal li bħala eks President tar-Repubblika Taljana għal darbtejn, Napolitano serva lil pajjiżu b’lealtà, b’rispett assolut lejn il-valur tas-solidarjetà, il-libertà u d-demokrazija.
Il-Partit Nazzjonalista wassal il-kondoljanzi tiegħu lill-Istat Taljan u lill-poplu tiegħu.
