Neil Camenzuli
GŻIRA U………………. 1
NAXXAR L…………… 1
Gżira U: D.Cassar, C.Conceicao (B.Azizi 35’), G.Bohrer, A.Borg, T.Aldama, Z.Scerri, L.Ribeiro Macula (J.Texeira 77’), F.Romero, A.Essaka (M.Dias 45’), C.Silva (B.Borg 72’), T.Espindola (A.Sane 46’)
Naxxar L: M.Debono, N.Micallef, N.Pace (M.Fenech 67’), A.Servo, E.Cerqueira (R.Mercieca 90’)(D.Falzon 67’) , G.Cassar, J.Ellul (T.Yamaguchi 63’), E.Espirito, W.Moreira, M.De Souza, V.Moura
Imwissija: A.Essaka (32’), Z.Scerri (63’) , G.Bohrer (90′) (G) A.Servo (9’), E.Cerqueira (56’) M.De Souza (60’), (N),
Skorjaw: Gabriel Bohrer (54’) (G) , Takuma Yamaguchi (88’) (N)
Referee: Daniel Portelli
Assistenti Referees: Jurgen Spiteri, Robert Curtis
BOV Plejer tal-Logħba: Thaylor Aldama (G)
In-Nazzjon Plejer tal-logħba: Matthias Debono (N)
L-ewwel punt kull wieħed fil-kampjonat għal Gżira United u Naxxar Lions, b’ Takuma Yamaguchi jkun l-eroj tal-Lions b’gowl fl-aħħar minuti tat-tieni taqsima.
L-ewwel azzjoni denja ta’ nota waslet wara 5 minuti logħob minn kontrattakk veloċi tal-attakkant ta’ Naxxar Augusto Servo li ħarab mid-difensuri u pprova jegħleb lill-goalkeeper, b’ Cassar isalva tajjeb fil-baxx.
Tentattiv perikoluż din id-darba mill-midfielder ta’ Gżira Zachary Scerri mit-tarf tal-kaxxa ‘l kbira, bil-goalkeeper Debono jevita l-periklu u jitfa’ barra għall-korner.
Fl-24 minuta azzjoni personali ta’ Silva mil-lemin tispiċċa f’idejn il-goalkeeper.
L-ewwel 25 minuta dddominata totalment mill-pussess tal-midfield ta’ Gżira, bil-Lions jaqbdu lill-avversarji fuq il-kontrattakk bl-attakkanti veloċi.
L-aħħar 20 minuta tal-ewwel taqsima kwieti għall-aħħar, bl-unika azzjoni perikoluża tasal fil-41 minuta mix-xutt mill-bogħod tad-difensur ta’ Gżira Bohrer li għadda ftit barra u żamm l-iskor 0-0 fl-ewwel taqsima.
Gżira komplew l-attakki tagħhom fuq id-difiża tal-Lions fit-tieni taqsima, b’Silva għal darb’oħra fiċ-ċentru tal-azzjoni mil-lemin bil-konklużjoni b’saħħitta tiegħu tgħaddi ftit barra.
Gżira kisbu l-vantaġġ tant mistenni fil-54 minuta permezz ta’ penalty mogħti mid-difensur Gabriel Bohrer. Id-difensur Brażiljan skorja l-ewwel gowl tal-istaġun tiegħu b’konklużjoni baxxa fir-rokna t’isfel tax-xellug.
Il-Maroons ħasbu li rduppjaw il-vantaġġ fid-69 minuta meta Ribeiro xeħet ġewwa x-xibka, madankollu l-attakkant kien f’pożizzjoni rregolari.
Ċans perikoluż ieħor għall-Maroons fis-76 minuta mill-korner mogħti minn Borg jasal f’saqajn Romero fil-kaxxa ż-żgħira, b’Debono jagħmel save stupend mill-viċin u d-difensuri jtajjru l-periklu sabiex iżommu t-tamiet ħajjien.
Thaylor Aldama b’konklużjoni tajba fil-84 minuta mil-lemin tgħaddi ftit il-fuq mill-minduda.
Naxxar ħasdu lill-avversarji u kisbu d-draw fis-87 minuta permez ta’ gowl mill-isbaħ mis-sostitut Takuma Yamaguchi minn azzjoni personali mix-xellug u konklużjoni mit-tarf tal-kaxxa.
Il-goalkeeper ta’ Naxxar Matthias Debono għal darb’oħra kruċjali għat-tim tiegħu b’save tajjeb ħafna fl-aħħar mumenti tal-partita mill-konklużjoni potenti ta’ Texeira.
Il-partita spiċċat f’parità ta’ 1-1 minkejja t-tentattivi kollha ta’ Gżira United speċjalment fit-tieni taqsima.
