Ajruplan li kellu jtir mill-Ajruport Internazzjonali ta’ Malta lejn Benghazi spiċċa ħareġ mill-mitjar u daħal fil-ħaxix mal-ġenb.
L-ajurplan kellu jitlaq minn pajjiżna fid-9 am u jasal għad-destinazzjoni tiegħu għall-ħabta tal-10:50 am. Din it-titjira ġiet ikkanċellata wara dan l-inċident.
Fortunatament, l-ebda persuna ma sofriet minn xi ġrieħi, b’uħud mit-titjiriet skedati fl-istess ħin kellhom jiġu posposti bi ftit ħin sakemm l-ajruplan inħareġ lura għal fuq il-mitjar.
Mhux magħruf x’wassal għal dan l-inċident.
L-ajurplan, 9H-CTG DH8A, hu rreġistrat Malta.
