Deputat reġistratur tal-qorti l-Ħadd ingħatat sena ħabs sospiża għal tliet snin wara li ammettiet għall-akkużi li attakkat, weġġħet ħafif u rreżistit uffiċjali tal-pulizija. Ruth Camilleri ta’ 38 sena mill-Mosta kienet ukoll immultat €4,000 u ordnata tħallas €400 f’danni lill-pulizija.
Il-Qorti, immexxija mill-Maġistrat Charmaine Galea, semgħet li meta seħħ l-inċident, Camilleri kienet ikkunsmat l-alkoħol waqt li kienet qed tieħu l-medikazzjoni. Intalbet projbizzjoni tal-pubblikazzjoni ta’ isimha iżda għalkemm il-prosekuzzjoni, immexxija mill-Ispettur Gabriel Micallef, ma oġġezzjonax, dan ma ngħatax. Il-Maġistrat Galea qalet li ma kienx hemm raġunijiet legali biex dan jingħata.
