Fl-unika partita tal-lum, Nottingham Forest u Brentford spiċċaw f’parità ta’ 1-1 fic-City Ground, bit-Tricky Trees jiksbu punt minkejja li lagħbu l-maġġoranza tat-tieni taqsima b’għaxar plejers.
Wara l-ewwel taqsima bla gowls, Nottingham Forest spiċċaw jilagħbu b’għaxra fis-56 minnuta hekk kif tkeċċa Moussa Niakhate wara li akkumula t-tieni karta safra tiegħu fil-partita.
Żewġ minuti wara kollox kien jidher sejjer għall-agħar għal Nottingham Forest hekk kif Christian Norgaard sab ix-xibka għal Brentford b’daqqa ta’ ras indirizzata lejn ir-rokna t’isfel tax-xellug, minn pass mill-isbaħ ta’ Matthias Jensen.
Nottingham Forest ħasdu lill-avversarji meta kisbu d-draw fil-65 minuta permezz tal-midfielder Nicolas Dominguez li ukoll sab ix-xibka b’daqqa ta’ ras, il-gowl wasal mill-kross ta’ Harry Toffolo.
Għada fid-9:00pm, Fulham se jkunu qed jospitaw lil Chelsea f’Craven Cottage.
