Neil Camenzuli
NAXXAR LIONS………………….4
SANTA LUCIA……………………..0
Naxxar: M.Debono, N.Micallef, N.Pace (M.Fenech 87′), A.Servo , E.Cerquira, G.Cassar (D.Falzon 72’), T.Yamaguchi, E.Espirito, W.Moreira(R.Mercieca 90′), M.De Souza, V.Moura (J.Bonanno 90′)
Santa Lucia: C.Da Paz, M.Ellul, S.Pisani (D.Xuereb 46’), W.Alves (L.Sena 46’), T.Nagamatsu (J.Valletta 73;), J.Pisani, N.Virano (A.Bradhsaw 46’), G.Moreira, A.Piazza (J.Tanti 83’), P.De Oliviera, S.Xerri
Imwissija: W.Alves 23’, J.Pisani 45’ , S.Pisani 56’ (S) R.Cassar 45’ (N)
Skorjaw: A.Servo 40’, 49’, E.Cerquira 51’ (N)
Referee: Matthew De Gabriele
Assistenti Referees: Mitchell Scerri, Max-Lee Muscat
In-Nazzjon Plejer tal-logħba: A.Servo (N)
Fl-Istadium Nazzjonali, Naxxar Lions kisbu l-ewwel tlett punti tal-kampjonat b’rebħa fuq Santa Lucia bl-iskor ta’ 4-0. Prestazzjoni li tqanqal it-tama’ fil-partitarji tal-Lions mit-tim ta’ George Vella, b’Augosto Servo jkun protagonista fir-rebħa b’żewġ gowls f’ismu.
Santa Lucia kienu pronti u ħarġu fuq l-attakk mill-ewwel hekk kif kellhom l-ewwel azzjoni tal-partita permezz ta’ xutt mill-viċin Alves li għadda ftit barra minn kross twil mix-xellug.
Wara 10 minuti logħob l-attakkant laterali Moreiera ttanta xortih b’xutt fil-baxx minn barra l-kaxxa l-kbira bl-attakkant ma jagħtix inkwiet lil Debono u jixħet barra.
L-ewwel azzjoni għal Naxxar waslet wara kwarta logħob minn kontrattakk veloċi mix-xellug ta’ Servo jirriżulta f’xutt angolat fir-rokna t’isfel tal-lemin, bil-goalkeeper Da Paz isalva tajjeb u jitfa’ barra għall-korner.
Santa Lucia għal darb’oħra perikolużi mix-xellug din id-darba permezz ta’ Piazza li kkapitalizza mill-iżball tad-difiża u kkonkluda minn barra l-kaxxa, bix-xutt tiegħu jgħaddi ftit għoli mil-minduda.
L-aħjar ċans ta’ gowl fl-ewwel 25 minuta wasal għal Naxxar meta l-attakkant Servo pprova jegħleb lil Da Paz b’xutt ċentrali bil-goalkeeper isalva u jaħrablu l-ballun u jasal għand Moreira li ma rnexxielux jikkonkludi fix-xibka minn ftit metri ‘l bogħod.
Naxxar fetħu l-iskor fl-40 minuta permezz ta’ azzjoni personali u konklużjoni kalma mil-lemin tal-attakkant Augosto Servo li xeħet il-ballun fir-rokna t’isfel tal-lemin.
Żewġ timijiet b’azzjonijiet perikolużi, b’Augosto Servo jagħmel id-differenza għal Naxxar u jikseb il-vantaġġ ftit minuti qabel tmiem l-ewwel taqsima.
Minkejja l-vantaġġ Naxxar ħarġu fuq l-offensiva mill-ewwel fit-tieni taqsima u rnexxielhom jirduppjaw l-iskor fis-47 minuta meta rebħu l-pussess lura minn żball tad-difiża ta’ Santa Lucia, bil-ballun jasal għand Augosto Servo li ma żbaljax u jixħet ġewwa għat-tieni gowl personali fil-partita.
Żewġ gowls f’temp ta’ żewġ minuti hekk kif Naxxar għamlu l-iskor 3-0 permezz ta’ Edson Cerquira li sab ix-xibka b’xutt baxx mix-xellug.
Fit-63 minuta ċans ieħor għal Naxxar din id-darba minn pass brillanti ta’ Yamaguchi li fetaħ id-difiża u sab lil Servo li pprova jikseb il-hattrick iżda ġie micħud wara li l-konklużjoni tiegħu ħabtet mal-wieqfa.
Il-Lions għalqu l-partita għal kollox fis-86 minuta meta Vitor Moura sab ix-xibka b’daqqa ta’ ras b’saħħita minn kross preċiż mix-xellug.
Tieni taqsima stupenda minn Naxxar Lions biex kisbu l-ewwel rebħa fil-kampjonat, filwaqt li l-problemi jkomplu jikbru għal Santa Lucia hekk kif jinsabu f’qiegħ il-klassifika mingħajr punti.
Il-plejers ta’ Naxxar Lions iselmu lill-partiatrji wara r-rebħa (Ritratt: Trevor Sollars)
