L-Istitut għall-Istudji Turistiċi fetaħ il-bibien tiegħu għal aktar minn 600 student. Fil-maġġoranza tagħhom l-istudenti se jistudjaw Masters fl-Immaniġġjar tal-Ospitalità Internazzjonali, Baċellerat fl-Arti Kulinarja, u Higher Diploma bħala gwida għat-turist. Dan filwaqt illi hemm oħrajn illi għażlu il-Foundation Course.
It-Tnejn filgħodu fil-binja tal-ITS saret iċ-ċerimonja li mmarkat il-bidu ta’ din is-sena skolastika f’dan l-istitut. L-istess seħħ fl-MCAST fejn kmieni filghodu ingħata bidu għal sena ġdida ta’ korsijiet fid-diversi istituti li jiffurmaw parti minn dan il-Kulleġġ.
Apparti minn hekk, din il-ġimgħa qed timmarka ukoll l-bidu ta’ Freshers’ Week fl-Universita ta’ Malta.
