‘Ninsab kuntent li erġajt irritornajt fil-pitch u aktar minn hekk li sibt ix-xibka’ – Juan Corbalan (Ħamrun Spartans)

‘Wara l-ewwel gowl ħadna l-kontroll tal-logħba’

• Matias Garcia, Floriana FC

‘Għamilna logħba kbira kontra tim ieħor li huwa meqjus fost l-aħjar li hawn f’dan il-pajjiż’. Dawn kienu l-ewwel kummenti tal-player ta’ Floriana Matias Garcia wara r-rebħa konvinċenti li l-Greens kisbu kontra Balzan bl-iskor ta’ 3-0. Huwa kompla hekk. ‘ Fl-ewwel taqsima bdejna nsibuha diffiċli sabiex ninfdu lil Balzan iżda fit-tieni ħamsa u erbgħin minuta bdilna xi ftit is-sistema u wara li skurjajna l-ewwel gowl ħadna l-kontroll tal-logħba f’idejna biex ksibna r-raba’ rebħa minn daqstant logħbiet.’

‘Inkomplu nibnu fuq dak li bdejna’

• Juan Corbalan, Ħamrun Spartans FC

‘Ninsab kuntent li erġajt irritornajt fil-pitch u aktar minn hekk li sibt ix-xibka.’ Hekk ikkummenta l-player ta’ Ħamrun Juan Corbalan hekk kif huma wkoll kisbu rebħa kbira ta’ 4-0 biex baqgħu flimkien ma’ Floriana jżommu l-kmand tal-klassifika. Corbalan kompla jżid. ‘ L-aħħar darba li skurjajt kien l-istaġun li għadda kontra Pieta. Din il-logħba kienet waħda bbażata fuq is-saħħa u xi  minn daqqiet ftit goffa, iżda konna dominanti fejn kellna l-pussess għal ħinijiet twal. Issa hemm l-brejk internazzjonali u rridu nibqgħu naħdmu biex inkomplu nibnu fuq dak li bdejna.’

LOGĦOB LI JMISS

Is-Sibt 21 ta’ Ottubru, 2023

Stadium Nazzjonali

3.00pm            Birkirkara – Mosta

5.15pm            Ħamrun S. – Sliema W.

Tony Bezzina Stadium

3.00pm            Floriana – Naxxar L.

5.00pm            Santa Lucia – Gudja Utd.

Il-Ħadd 24 ta’ Settembru, 2023

Centenary Stadium

11.00am          M’Xlokk – Valletta

Tony Bezzina Stadium

3.00pm            Hibernians – Balzan

5.00pm            Gżira Utd. – Sirens