Gowls fit-tmien ta’ kull taqsima taw ir-rebħa lil Liverpool fuq Union St. Gilloise bl-iskor finali jkun 2-0 fi Grupp E.
Ryan Gravenberch sab ix-xibka għall-ewwel gowl tal-partita fl-44 minuta b’xutt mill-viċin jegħleb għal kollox lill-goalkeeper Moris.
Liverpool ikkonfermaw ir-rebħa ftit minuti qabel tmiem il-partita permezz ta’ gowl mill-attakkant laterali Diogo Jota.
Roma 4-0 Servette
Roma kisbu t-tieni rebħa fi Grupp G, b’rebħa meritata ta’ 4-0 kontra Servette.
L-attakkant prolifiku Romelu Lukaku xeħet ġewwa għall-ewwel gowl minn kross preċiż ta’ Celik fil-21 minuta filwaqt li fil-bidu tat-tieni taqsima, Andrea Belotti għeleb lil Frick b’xutt bix-xellug mis-suġġeriment ta’ Pellegrini.
Roma għamlu l-iskor 3-0 permezz ta’ Lorenzo Pellegrini, mill-kross ta’ El Shaarawy fit-52 minuta.
L-aħaħar gowl wasal fid-59 minuta b’ Andrea Belotti jikseb id-doppjetta personali tiegħu.
Sporting CP 1-2 Atalanta
Atalanta għamluhom żewġ rebħiet minn tnejn meta għelbu lill-avversarju li huwa kkunsidirat bħala l-iktar diffiċli fil-grupp tagħhom, Sporting Lisbon bl-iskor finali jkun ta’ 2-1.
La Dea skurjaw żewġ gowls fl-ewwel taqsima, bl-ewwel gowl jasal mid-difensur żagħżugħ Giorgio Scalvini li sab ix-xibka għall-ewwel gowl tal-istaġun tiegħu minn kross perfett ta’ Zappacosta.
Għaxar minuti wara Atalanta rduppjaw l-iskor permezz ta’ Matteo Ruggieri li għeleb lil xeħet ġewwa wara li l-ewwel konklużjoni tiegħu ġiet salvata minn Adan.
Fis-77 minuta Sporting Lisbon ħasbu li bdew il-vjaġġ lejn ir-rimonta, meta Viktor Gyokeres ma żbaljax minn penalty li wasal minn handsball kommes minn Scalvini .
Freiburg 1-2 West Ham United
West Ham għelbu lil Freiburg barra minn darhom bl-iskor minimu ta’ 2-1.
Il-Hammers ma damux ma fetħu l-iskor hekk kif Lucas Paqueta tefa’ lill-partiatrji ta’ West Ham f’dellirju ta’ ferħ meta xeħet ġewwa b’daqqa ta’ ras kalma minn kross tal-attakkant laterali Bowen.
Ftit minuti wara l-bidu tat-tieni taqsima, Roland Sallai kiseb id-draw b’xutt bix-xellug jegħleb għal kolllox lil Fabianski.
Il-gowl tar-rebħa kien skorjat mid-difensur ċentrali Nayef Aguerd b’daqqa ta’ ras oħra, din id-darba minn frekkick mogħti minn James Ward-Prowse,
Marsielle 2-2 Brighton
Brighton kisbu l-ewwel punt tagħhom f’kompetizzjoni Ewropea meta dawwru telfa f’rebħa fl-aħħar minuti tal-partita fil-parità ta’ 2-2 kontra Marsielle.
Marsielle ħasdu lill-avversarji tagħhom hekk kif sabu x-xibka darbtejn f’temp ta’ żewġ minuti, bl-ewwel gowl jasal wara 19-il minuta logħob mid-difensur ċentrali Chancel Mbemba mis-suġġeriment ta’ Clauss, filwaqt li t-tieni gowl kien skorjat mill-midfielder Franċiż Jordan Vertout b’xutt mix-xellug indirizatt lejn ir-rokna t’isfel tax-xellug mill-pass ta’ Harit.
L-ewwel gowl tar-rimonta wasal fil-54 minuta minn Pascal Groß minn assist tal-istilla laterali Mitoma.
Tmiem drammatiku għall-aħħar hekk kif Brighton għamlu l-iskor indaqs fit-88 minuta permezz ta’ penalty tal-attakkant Joao Pedro li xeħet fix-xibka u kiseb l-ewwel punt fl-Ewropa fl-istorja għat-tim tiegħu.
AEK Athens 1-1 Ajax
AEK Athens u Ajax ħadu punt kull wieħed fil-OPAP Arena.
It-tim Grieg issa jinsab fl-ewwel post fi Grupp B, b’4 punti mill-ewwel żewġ partiti.
Steven Bergwijn fetaħ l-iskor għal Ajax wara nofsija lagħab meta kkonverta l-penalty tiegħu li wasal mill-foul ta’ Pineda.
Il-gowl tad-draw wasal fil-74 minuta minn daqqa ta’ ras klassika tad-difensur veteran Domogoj Vida mill-korner ta’ Amrabat.
Real Betis 2-1 Slava Prague
Real Betis dawwru telfa f’rebħa, bil-gowl ta’ Isco fid-79 minuta jiddetermina l-partita u jagħti t-tlett punti lit-tim Spanjol fir-rebħa ta’ 2-1 kontra Sparta Prague.
Sparta Prague fetħu l-iskor wara biss 3 minuti logħob permezz ta’ Veljko Birmancevic.
Il-gowl tad-draw wasal 6 minuti wara permezz ta’ Assane Diao, b’ Isco jixħet ġewwa b’daqqa ta’ ras ċentrali għall-gowl tar-rebħa.
Aris Limassol 2-1 Rangers
Rangers sofrew telfa minima kontra Aris Limassol bl-iskor ta’ 2-1 barra minn darhom.
Il-gowl ta’ Limassol waslu minn Alex Moucketou- Moussounda u Shavy Babicka, filwaqt li l-gowl ta’ konsolazzjoni wasal għal Rangers wasal minn Abdallah Sima.
TSC Backa Topola 2-2 Olympiacos
Draw li ma jiggwadanja ħadd bejn TSC Backa Topola u Olympiacos ta’ 2-2.
Giorgios Masouras u l-ex attakkant ta’ Wolves Daniel Podence sabu x-xibka għat-tim Grieg, filwaqt li Ifet Djakovic u Milos Pantovic skorjaw għal Backa Topola.
Fil-71 minuta Olympiacos spiċċaw jilagħbu b’10 hekk kif tkeċċa Andreas Ntoi.
Raków Czestochowa 0-1 Stum Graz
Stum Graz kisbu rebħa minima kontra Raków Czestochowa bil-gowl tar-rebħa jasal fit-23 minuta minn William Boving.
Slavia Prague 6-0 Sheriff Tiraspol
Slavia Prague kisbu rebħa konvinċenti fuq Sheriff Tiraspol bl-iskor ta’ 6-0.
Il-gowls waslu minn Majmir Chytil, Igoh Ogbu, Munashe Garananga fl-ewwel taqsima.
Fit-tieni taqsima Slava Prague komplew l-attakki tagħhom, b’ Ivan Schranz u David Doudero jniżżlu isimhom mal-iskorers, u b’ Majmir Chytil jiskorja t-tieni gowl personali tiegħu.
Toulouse 1-0 LASK
Toulouse kisbu rebħa minima fuq LASK, b’ Gabriel Souza jiddeċiedi l-partita fil-31 minuta.
Maccaiba Haifa 0-0 Panathinakos, Villareal 1-0 Rennes
Fi Grupp F, parità bla gowls bejn Maccabi Haifa u Panathinakos, filwaqt li Villareal għelbu lil Rennes bl-unika gowl jasal minn Alexander Sorloth wara 36 minuta logħob.
Molde 1-2 Bayer Leverkusen
Żewġ gowls fl-ewwel 20 minuta taw ir-rebħa lil Bayern Leverkusen fuq Molde bl-iskor ta’ 2-1.
Jeremie Frimpong fetaħ l-iskor wara kwarta logħob, sussegwentament, Nathan Tella rdoppja l-iskor ftit minuti wara.
Molde kisbu gowl lura permezz ta’ Emil Breivik fis-87 minuta.
BK Haecken 0-1 Qarabag
Juninho skorja l-gowl tar-rebħa għal Qarabag fil-konfront tagħhom kontra BK Hackhen fi Grupp H.
UEFA EUROPA LEAGUE
Grupp A: Freiburg v West Ham U. 1-2, Backa Topola v Olympiacos 2-2
Grupp B: AEK Athens v Ajax 1-1, Marsielle v Brighton 2-2
Grupp C: Aris Limassol v Rangers 2-1 , R. Betis v Sparta Prague 2-1
Grupp D: R. Czestochowa v S.Graz 0-1, Sporting v Atalanta 1-2
Grupp E: Liverpool v U. St.Gilloise 2-0, Toulouse v LASK 1-0
Grupp F: Maccabi H. v Panathinaikos 0-0, Villareal v Rennes 1-0
Grupp G: Roma v Servette 4-0, Slavia Prague v Sheriff 6-0
Grupp H: Haecken v Qarabag 0-1, Molde v Bayer Leverkusen 1-2UEFA EUROPA CONFERENCE LEAGUE
Grupp A: Klaksvik v Lille 0-0, O. Ljubljana v S.Bratislava 0-1
Grupp B: Breidablik v Zorya 0-1, Gent v Maccabi Tel Aviv 2-0
Grupp C: Astana v Viktoria Plzen 1-2, Ballkani v Dinamo Zagreb 2-0
Grupp D: Besiktas v Lugano 2-3, Bodo/Glimt v Club Brugge 0-1
Grupp E: A.Villa v Zrinjski Mostar 1-0, AZ v Legia Warszawa 1-0
Grupp F: Cukaricki v Genk 0-2, Fiorentina v Ferencvaros 2-2
Grupp H: Nordsaelland v L.Razgard 7-1, S.Trnava v Fenerbahce 1-2
Grupp G: Aberdeen v HJK Helsinki 1-1, PAOK v E. Frankfurt 2-1
