Ir-raġel li jidher f’filmat li spiċċa fuq il-media soċjali li jurih jagħmel atti sesswali ma’ mara fil-Każin tal-Boċċi ta’ Ħal-Luqa Bocci naqas li jixhed kontra r-raġel li ffilmjah, biex jevita li jinkrimina lilu nnifsu. L-Ispettur Kurt Farrugia xehed quddiem il-maġistrat Nadine Lia hekk kif kompla l-każ kontra Mark Cachia Zammit ta’ 35 sena.
L-ispettur qal lill-Qorti li l-pulizija kienet irċeviet rapport dwar filmat espliċitu tas-sess li kien qed jiċċirkola fuq il-midja soċjali u analizza l-filmati,u li identifika l-każin tal-bocci ta’ Ħal Luqa bħala l-post. Il-filmat, qal ix-xhud, juri grupp ta’ rġiel żgħażagħ madwar mejda tal-biljard, jinkoraġixxu lir-raġel li kien qed jirċievi sess orali mingħand mara. Dawk li kienu fil-qrib instemgħu jsejħu lir-raġel Feliċ.
It-tieni filmat wera lill-istess raġel jagħmel sess mal-mara, b’aktar inkoraġġiment minn dawk li bdew isegwu, li wkoll irreferew għalih bħala “Feliċ.”. Il-pulizija kienet aċċertat li r-raġel li jidher fil-filmat huwa Felix Vella, li wara bagħtu għalih il-pulizija.
Vella kien qal lill-investigaturi li l-okkażjoni kellha tkun ikla bejn ħbieb. Huwa kien ġie mistieden għaliha minn ħabib tiegħu, l-akkużat li hu magħruf bħala il-Ġinġer. Vella qal ukoll li kien jaf lill-irġiel l-oħra di’vista minn Birzebbugia.
Il-mara u l-grupp ta’ rġiel kienu kienu barra l-każin meta wasal u kienu segwew lil Vella fil-post. “Hu qal li kien għamel dak li għamel bir-rieda tiegħu stess. Ma kienx jaf lill-mara, iżda hi kienet bdiet taqbad miegħu u għalhekk iddeċieda li jagħmel dan, biex jagħti ‘show’ lil sħabu.”
Il-grupp kien ħallas lill-mara b’madwar €10 kull wieħed, kien qal Vella lill-pulizija, filwaqt li sħabu kienu ħallsu għall-ikla tiegħu. Vella identifika lil Cachia Zammit bħala li ffilmja l-inċident u qal li ma kienx ta l-kunsens tiegħu biex il-filmat jiġi ċċirkolat, b’mod partikolari għax joffendi lill-familja tiegħu.
Aktar tard Cachia Zammit ġie arrestat u interrogat fil-preżenza tal-avukat Jason Azzopardi. Huwa kkonferma li kien organizza l-ikla flimkien ma’ sħabu, iżda qal li ma kienx jaf lil dawk kollha li attendew peress li xi wħud kienu mistednin ta’ nies oħra.
L-ispettur fakkar lil Cachia Zammit jgħid li l-koppja kienu qed “tieħu gost flimkien” u li kienu diġà qed ibusu lil xulxin sa meta wasal hu. Huwa kien qed jiekol fuq il-medja tiegħu waqt li l-koppja kienu qed jiġu ffilmjati, qal.
Iżda nstabu diskrepanzi meta l-mowbajl tal-imputat kien ġie analizzat mill-pulizija. Diversi ‘chats’ urew li Cachia Zammit kien bagħat il-filmat lil persuna oħra bil-messaġġ “Felix king, eh?”, u ma rċevihx u ħassarha kif dejjem sostna.
Analiżi ulterjuri tal-apparat uriet li l-filmat li ttieħed fuqu wara spiċċa biex tħassar. Aktar tard l-imputat kien stqarr li ffilmja x-xena u bagħatha lil żewġ persuni oħra, filwaqt li saħaq li ma kienx għamel dan biex iweġġa’ lill-parteċipanti u wara ċempel lil Feliċ biex jiskuża ruħu.
Huwa qal lill-pulizija li filwaqt li l-ebda wieħed mill-parteċipanti fil-filmat ma tah il-kunsens biex jiffilmja l-laqgħa, “ħadd lanqas waqqaflu.” In-numru tal-mara inkwistjoni nstab ukoll fuq it-telefon ta’ Cachia Zammit, salvat bħala “Felix Woman”.
Huwa qal lill-pulizija li dan kien minħabba li Feliċ kellu grazzja magħha. Cachia Zammit ma weġibx aktar mistoqsijiet, u eżerċita d-dritt tiegħu għas-silenzju, qal l-ispettur. Kontro-eżaminat mill-avukat difensur Jason Azzopardi, l-ispettur qal li r-rapport tal-pulizija kien sar b’mod anonimu.
Huwa kkonferma li l-filmat kien intbagħat flimkien mal-messaġġ “żomm dan għalik innifsek” u li l-imputat qal li jiddispjaċih ħafna għal dak li ġara u ried jitlob skuża lill-mara. Dak il-ħin kienu madwar 13-il persuna madwar il-mejda, li bħalissa kollha qed jiġu investigati mill-pulizija, tenna fi tweġiba għal aktar mistoqsijiet.
Irriżulta wkoll li Cachia Zammit sussegwentement ippreżenta rapport tal-pulizija kontra sid il-bar, fejn sostna fastidju wara li allegatament kien ibbumbardjat b’telefonati minnu. Il-protagonist tal-filmat virali, Feliċ Vella, miż-Żurrieq, ġie mgħajjat ukoll bix-jixhed.
Qabel, l-Ispettur Farrugia informa lill-Qorti li kien hemm “ċans tajjeb” li Vella wkoll jista’ jiffaċċja akkużi, u talab lill-Qorti biex tinforma lix-xhud dwar dan. Il-Maġistrat staqsiet jekk l-investigazzjoni kinitx konkluża jew le. Kollox għadu miftuħ, qal l-ispettur. “Żgur li se nakkużawh,” huwa qal, u “b’taħrika.”
Il-Maġistrat Lia rrimarkat li żewġ sekondi qabel, kien qal li l-prosekuzzjoni kienet għadha trid tiddeċiedi dwar jekk tressaqx akkużi kontra Vella. “Hemm ċans tajjeb li x-xhieda tagħna kollha jkunu fl-istess pożizzjoni,” wieġeb l-ispettur, jiġifieri li jispiċaw jitressqu.
Waqt li nsistiet li riedet li l-affarijiet isiru sew, il-Maġistrat qalet li Vella kellu jitħalla jikkonsulta ma’ avukat l-ewwel. Jekk il-pulizija ddeċidiet li l-akkużi kellhom jiġu ppressati, ix-xhud għandu jingħata kawtela, hija qalet.
Ix-xhud ġie ordnat biex ma jixhedx sakemm il-pożizzjoni legali tiegħu tkun ċara. Qabel iddifferiet il-każ għal Novembru, il-qorti ddeċidiet li kien hemm biżżejjed evidenza prima facie biex tinħareġ akkuża jekk l-Avukat Ġenerali jagħżel li dan huwa l-każ.
