Anzjan ma nstabx ħati mill-Imħallef Consuelo Scerri Herrera li abbuża sesswalment minn tifla ta’ 12-il sena f’garaxx fiż-Żejtun ftit aktar minn sentejn ilu minħabba li ma emmnitx dak li qalet l-istess tifla filwaqt li x-xhieda tal-akkużat kienet aktar kredibbli.
F’ġuri li sar bla ġurati raġel ta’ 67 sena, imwieled Ħal Qormi u residenti ż-Żejtun ma nsabx ħati li wettaq dan ir-reat f’Mejju ta’ sentejn ilu. Il-Qorti qalet li ssibha ferm difficli biex temmen il-verzjoni ta tifla, wara li kif ammettiet hu stess hi gieli tigdeb L-Imħallef innutat ukoll li kien hemm nuqqasijiet fl-investigazzjonijiet tal-pulizija tant illi l-aqwa provi kienu nieqsa.
Il-Qorti sostniet wkoll li Il-verzjoni mgħotija mill-akkuzat kienet waħda kreddibli u konsistenti. L-Imħallef Scerri Herrera qalet li b differenza għal verżjoni tal-minuri li nbidlet aktar minn darba kemm waqt ix xhieda li kienet tat l-iskola kif ukoll għal dik lill-Pulizija u eventwalment fil-Qorti, u li jidher biċ-ċar li għandha imaġinazzjoni kbira sesswali kif ukoll irriżulta illi ta’ età tenera kienet diġa sesswalment attiva.
L-akkużat kien qed jiġi mixli bi tliet Kapi ta’ Akkużat fejn l-Avukat Ġenerali qal fl-att tal-akkuża li fl-1 ta’ Ġunju, 2021 wara kommunikazzjoni minn kordinatur għall-ħarsien tat-tfal fi ħdan id-Direttorat għall-Ħarsien tal-Minuri, li kienu qed jindikaw allegat abbuż sesswali fuq tifla ta’ 12-il sena.
L-akkuża kienet ta’ reat aggravat fuq tifla ta’ taħt il-15-il sena, anke jekk kienu atti konsenswali imma li mhumiex permessibbli f’dik tal-età tenera. It-tifla kienet ġiet mitkellma mill-Pulizija fejn stqarret li fid-29 ta’ Mejju tal-2021, għall-ħabta tas-7.30pm, hi flimkien mal-ġenituri tagħha u oħtha iżgħar minnha kienu mistednin u marru fid-dar tal-‘partner’ tal-akkużat fiż-Żejtun sabiex iqattgħu ftit tal-ħin flimkien u wkoll jieklu flimkien.
F’ħin minnhom iddeċidew li jordnaw xi pizzez mingħand ħanut li jinsab Bir id-Deheb. Kif dawn kienu lesti biex jinġabru t-tifla wriet ix-xewqa li tmur mal-akkużat, fejn hi rikbet fuq is-seat tal-passiġġier. Kif waslu l-pizzez kienu lesti u ġabruhom mingħajr problemi.
Minn hemmhekk rikbu lura fil-karozza u skont it-tifla l-akkużat qalilha li kellu bżonn jgħaddi sal-garaxx għax kellu bżonn jara xi ħaġa. Waqt li kienu sejrin hemm, it-tifla bdiet titkellem miegħu dwar l-esperjenza li kellha mal-‘boyfriend’ li kellha qabel u qaltlu li kienu jitbewwsu (‘french kiss’).
Hekk kif waslu fil-garaxx, l-akkużat staqsiha jekk riditx li jurieha kif tagħmilha sewwa il-bewsa, u hi aċċettat. L-akkużat bexxaq il-bieb tal-garaxx, u wara spegalha x’kellha tagħmel. It-tifla qalet li kienet segwit l-istruzzjonijiet tiegħu u ftit wara qalilha biex imorru pass oltrè, u hu niżżel il-qalziet. Wara dan minkejja li t-tifla bdiet tħossha skomda, dejjem skont hi – għamlet l-istess, fejn ukoll niżżlet il-qalziet u bħal ma għamel hu wrietu l-parti privata tagħha.
Wara l-akkużat talabha biex turih sidirha u skont hi għafaslula. F’dan l-istadju hu kellu x’jaqsam magħha għal ftit tal-ħin u staqsiha jekk riditx tagħmillu s-sess orali, u hi aċċettat. Hu hu għamel l-istess atti fuq it-tifla. Reġa’ kellu x’jaqsam magħha u bdew jitbewwsu u wara marru lura lejn id-dar. It-tnejn li huma ġabu skuża li tal-ħanut kien tahom pizza nieqsa u dan biex jiġġustifikaw id-dewmien tagħhom.
Meta marret l-iskola t-tifla fetħet qalbha mal-LSE fuq dak li għamlet u wara l-każ kien referut lill-Kap tal-iskola fejn wara kienu ġew infurmati l-Pulizija. L-akkużat huwa l-partner tan-neputija ta’ omm it-tifla, u għaldaqstant f’għajnejha din tqisu bħala z-ziju tagħha.
L-anzjan lanqas ma nstab ħati li pparteċioa f’attivitajiet sesswali ma tifla taħt l-età u persuna vulnerabbli u minn persuna ta’ fiduċja. Lanqas li kellu x’jaqsam magħha u wettaq sess orali u li dan meta l-ġenituri tagħha fdaw li binthom miegħu.
L-Avukat Ġenerali talab lill-Qorti biex l-akkużat jiġi kundannat bejn tlieta u sitt snin ħabs. Imma minn dak li semgħet il-Qorti it-tifla ma kinitx qed tgħid il-verità Għall-akkużat deheru l-Avukati Arthur Azzopardi u Ishmael Psaila filwaqt li l-Avukat Darlene Grima kienet il-prosekutur f’isem l-Avukat Ġenerali.
