FestAnnimali – Festa għall-Annimali kif ukoll għan-nies li jħobbu l-annimali.
Hekk kif ix-Xahar ta’ Ottubru huwa sinonimu mal-annimali l-programm Vuċi Għall-Annimali se jorganizza FestAnnimali fil- Picnic Area f’ Ta’ Qali nhar il-Ħadd li ġej bejn l-għaxra ta’ filgħodu u s-sitta ta’ filgħaxija bil-għan li tingħata l-għajnuna lill-annimali fil-bżonn.
F’dan l-avveniment l-organizzaturi qed iħeġġu lill-kulħadd biex iġibu diversi affarijiet għall-annimali fosthom ikel, bedding kif ukoll toys li permezz tagħhom l-annimali li jinsabu f’xelters ikunu jistgħu igawdu minnhom.
Fost id-diversi attivitajiet se jkun hemm ukoll spettaklu bis-sehem ta’ diversi kantanti fosthom Dawn Desira, Miriana Conte, Kurt Anthony, Chanelle Zarb, David Jr Meilak kif ukoll il-grupp mużikali Airport Impressions.
Apparti minn hekk se jkun hemm ukoll logħob għall-kulħadd fosthom għat-tfal kif ukoll għall-annimali.
Intant, għal dawk li jixtiequ jagħmlu donazzjoni jistgħu jagħmlu kuntatt permezz tal-Facebook page Vuċi għall-Annimali.
