Fi tmiem il-ġimgħa ġiet organizzata Festa Scouts 2023 fil-campsite tal-iscouts f’Għajn Tuffieħa – attivita li ċċelebrat il-115 sena tal-iscouts f’Malta, b’kollaborazzjoni mal-gruppi kollha tal-iscouts madwar Malta u Għawdex.
Madwar 3500 tfal jattendu scouts madwar Malta, u waqt din l-attivita kellhom l-opportunita jipparteċipaw f’diversi logħob u attivitajiet sabiex jiċċelebraw dan l-anniversarju.
Net News tkellem ma’ Sean Bartolo, il-Kummissarju tal-Attivitajiet tal-iScouts li spjega l-iskop tal-avveniment.
Net News tkellem ukoll ma’ Brian Farrugia, il-Kap tal-iScouts tal-Fgura, spjega d-diversi attvitajiet li huma qed jagħmlu matul dan l-avveniment, kif ukoll semma l-valuri li huma qegħdin jgħallmu lit-tfal.
Intant, membru żagħżugħa tal-iscouts tal-Fgura li spjegat l-attivitajiet li huma jagħmlu bħala scouts matul is-sena.
Diversi tfal u żagħżagħ li kienu qed jipparteċipaw f’dan l-avveniment spjegaw ukoll l-attivitajiet li huma jagħmlu matul is-sena parti mill-iscouts, filwaqt li spjegaw xi jħobbu l-iżjed dwar l-iscouts.
