Erba’ plejers ikkwalifikaw għas-semi finali tal-kompetizzjoni msejħa ċ-Champion ta’ Malta organizzata mill-Malta Blackball Federation. Leon Azzopardi, Ryan Pisani, Johan Attard u Dejan Grech kisbu l-kwalifikazzjoni għall-fażi tal-aħħar erbgħa li se tintlagħab illum.
Iċ-champion renjanti Clayton Castaldi safa’ eliminat minn din il-kompetizzjoni wara li tilef 8-5 kontra Leon Azzopardi filwaqt li Dejan Grech sabha ferm diffiċli għalkemm xorta waħda għeleb lil Gary Carr 8-7 f’logħba ferm bilanċjata u inċerta sal-aħħar.
Ryan Pisani wkoll għadda għas-semifinali wara li rebaħ 8-6 kontra Miguel Mizzi filwaqt li Johan Attard għamel l-istess din id-darba bi skor ta’ 8-4 kontra Stephen Mangion.
Illum għandhom jintlagħbu s-semifinali fejn Leon Azzopardi jilgħab kontra Ryan Pisani filwaqt li Dejan Grech jilgħab kontra Johan Attard.
