Raġel ta’ 55 sena residenti Ħal Luqa, weġġa’ gravi wara li kien involut f’inċident fl-Imqabba.
L-inċident seħħ it-Tlieta filgħaxija għall-ħabta tal-11:00 fi Triq l-Imqabba.
Il-Pulizija marret fil-post u mil-ewwel investigazzjonijiet li saru rriżulta li r-raġel kien qiegħed isuq mutur tal-għamla Honda, tilef il-kontroll u ħabat f’siġra.
Tim mediku mar fil-post sabiex jassisti filwaqt li ambulanza ħadet lis-sewwieq tal-mutur l-isptar Mater Dei għall-kura meħtieġa.
Aktar tard, huwa ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
