Neil Camenzuli
BIRKIRKARA………..0
MOSTA…………………2
Birkirkara: M.Zapytowski, J.Pajovic, E.Pepe, Y.Yankam (M.De Filippis 79′), P.Mbong, K.Zammit, A.Satariano (K.Fenech 79′), M.Pena (O.Elouni 84′), S.Zibo, A.Diakite (A.Ciolacu 46’), S.Maxuell Maia (M.Durisic 66’)
Mosta: D.Akpan Udoh, A.Chara, D.Anen (S.Cachia 90′), L.Tenebe (E.Mensah 53’), N.Nnaji, C.Faila, W.Britto, N.Agius (N.Obidike 90′), J.Vassallo, Z.Brincat (L.William 90′), K.Tullimieri (A.Isah 63’)
Imwissija: W.Britto 43’ A.Chara 47’, D.Aneni 60’ (M)
Skorjaw: Z.Brincat 9’, E,Mensah 72’ (M)
Referee: Fyodor Zammit
Assistenti Referees: Roberto Vella, Duncan Spencer
BOV Plejer tal-Logħba:
Il-Mument Plejer tal-logħba: D.Akpan Udoh (M)
Mosta kisbu l-ewwel rebħa tal-istaġun b’prestazzjoni impressjonanti kontra Birkirkara bl-iskor finali jkun dak ta’ 2-0. Gowl f’kull taqsima ddeteriminaw il-partita, b’żewġ daqqiet ta’ ras jaslu minn Zachary Brincat u Eric Mensah.
Wara 9 minuti ta’ dominanza ta’ pussess minn Birkirkara, kienu Mosta li kellhom l-ewwel azzjoni perikoluża tal-partita fejn saħansitra fetħu l-iskor u ħadu l-vantaġġ b’daqqa ta’ ras ta’ Zachary Brincat minn korner mogħti minn Agius.
Mosta għal darb’oħra perikolużi minn set piece wara kwarta logħob, din id-darba freekick mogħti mil-lemin ta’ Faila, li sab lil Nnaji fit-tarf ta’ kaxxa bil-midfielder jitfa’ naqra għoli.
L-aħjar ċans ta’ gowl għal Birkirkara fl-ewwel nofsija logħob wasal minn kontrattakk veloċi ta’ Mbong mil-lemin, bil-plejer jipprova jikkonkludi pero Akpan isalva tajjeb u jixħet barra għall-korner.
Birkirkara jkomplu jkunu perikolużi mil-lemin ftit minuti wara, din id-darba minn azzjoni personali ta’ Maia tirriżulta f’interven ieħor tajjeb ta’ Akpan.
Fis-37 minuta Akpan ikompli jkun l-eroj tal-Mostin hekk kif għal darb’oħra ħareġ rebbieħ fil-konfront tiegħu kontra l-attakkanti Kalkariżi, din id-darba jsalva tajjeb l-konklużjoni baxxa ta’ Maia minn freekick mogħti mil-lemin.
L-ewwel taqsima tintemm 1-0 favur Mosta, minkejja r-riżultat laħħar nofsija tal-ewwel taqsima kompletament iddominata mill-Karkariżi.
Tieni taqsima iktar kalma, bl-ewwel azzjoni denja ta’ nota tasal għall-Mostin minn konklużjoni baxxa taż-żagħżugħ Nathan Agius wara azzjoni personali mil-lemin.
Mosta rduppjaw l-iskor fit-72 minuta b’kontrattakk klassiku mill-attakkanti veloċi tagħhom, bis-sostitut Isah jagħmel l-impatt tiegħu u jaħrab mid-difensuri ta’ Birkirkara, bl-azzjoni tikkonkludi b’kross perfett lejn Eric Mensah li jixħet ġewwa b’daqqa ta’ ras kalma.ż
Prestazzjoni ħafna aħjar għall-Mostin fit-tieni taqsima, bil-gowl ta’ Mensah jikkonferma t-tlett punti u jagħti l-ewwel rebħa tal-istaġun lit-tim tiegħu. Minn naħa l-oħra telfa diżappuntanti għal kollox għal Birkirkara hekk kif issa jinsabu b’seba’ punti mill-ewwel ħames logħbiet.
Aliyu Isah fl-azzjoni tat-tieni gowl (Ritratt: Joseph Galea)
(Ritratt: Joseph Galea)
Paul Mbong fl-azzjoni fl-ewwel taqsima (Ritratt: Joseph Galea)
