Raġel ta’ 40 sena residenti x-Xgħajra qed jissielet għal ħajtu wara li tilef il-kontroll tal-vann li kien qed isuq u spiċċa daħal f’siġra u barrikati li jifirdu Triq Tal-Barrani, Ħal Tarxien.
L-inċident seħħ ilbieraħ għall-ħabta tal-5:15 pm.
Mill-ewwel stħarriġ irriżulta li r-raġel kien qiegħed isuq Toyota Hi-Ace meta għal xi raġuni tilef il-kontroll.
Tim mediku assista fil-post tal-inċident u r-raġel ittieħed l-Isptar Mater Dei fejn ġie ċċertifikat bi ġrieħi serji.
L-investigazzjonijiet tal-Pulizija għadhom għaddejjin.
