Tottenham Hotspur iżommu l-ewwel post fil-kampjonat b’rebħa kruċjali kontra Fulham bl-iskor ta’ 2-0.
Wara 9 partiti Tottenham għadhom ma tilfux logħba hekk kif rebħu 7 partiti u kisbu 2 draws.
Fit-tieni u fit-tielet post jinsabu Manchester City u Arsenal biż-żewġ timijiet jakkumulaw 21 punt kull wieħed.
Fuq in-naħa l-oħra, Fulham jinsabu fit-13-il post, u akkumulaw 11-il punt s’issa.
Son Heung-Min kompla l-forma impekkabli tiegħu dan l-istaġun hekk kif skorja l-ewwel gowl tal-partita meta kkapitalizza fuq l-iżball tad-difiża ta’ Fulham u xeħet ġewwa b’xutt b’saħħtu.
Fil-55 minuta James Maddison kabbar id-distakk għat-tim tiegħu meta skorja l-ewwel gowl tiegħu fit-Tottenham Hotspur Stadium b’xutt kalm fir-rokna t’isfel tal-lemin.
Riżultati:
Is-Sibt
Liverpool v Everton 2-0
Nottingham F. v Luton T. 2-2
Newcastle U. v C.Palace 4-0
Man.City v Brighton 2-1
Brentfod v Burnley 3-0
Bournemouth v Wolves 1-2
Chelsea v Arsenal 2-2
Sheffield U. v Man. U 1-2
Il-Ħadd
A. Villa v West Ham U. 4-1
Ilbieraħ
Tottenham H. v Fulham 2-0
