Andrè Muscat
GUDJA UNITED………. 1
FLORIANA………………. 1
Gudja United : I. Sozer, B. Armando Melo, S. Attard (Z. Grech 78’), M. Muchardi, J. Arthur, G. Mensah (M. Cassini 88’), C. Borg (S. Cipriott 78’), N. Tabone (R. Mendes 68’), K. Micallef, A. Toure, M. Esposito
Floriana: G. Kitanovo, A. Magri Overend (M. Veselji 63’), O. El Hasni, U. Jose Arias, K. Reid (L. De Grazia 79’), D. Vella, NM. Garcia (M. de Sousa 79’), L. Zammit, K. Nwoko, M. Valadzko, A. Kouro
Imwissija: K. Micallef 60’ (GU), B. Armando Melo 62’ (GU), NM. Garcia 79’ (F), I. Sozer 90’ (GU), M. Veselji 90’ (F), L. De Grazia 90’ (F)
Skorjaw: C. Borg 45+2’ (GU), M. Valadzko 69’ (F)
Referee: Ezekiel Barbara
Assistenti Referees: Duncan Spencer u David Castillo
BOV Plejer tal-Logħba: Maksim Valadzko (F)
In-Nazzjon Plejer tal-logħba: Ulises Jose Arias (F)
Fis-Centenary Stadium kontra kull mistenni Gudja United ħadu punt lil Floriana, fejn dawn tal-aħħar f’ġimgħa tilfu 4 punti prezjużi, kontra Naxxar Lions u issa kontra Gudja United.
Kontra x-xejra tal-logħob fis-16-il minuta kienu Gudja li resqu viċin li jiftħu l-iskor, meta daqqa ta’ ras ta’ Armando Melo tgħaddi ftit barra.
Din id-darba kienu Floriana li resqu viċin li jiftħu l-iskor minn freekick dirett ta’ Kouro fit-23 minuta, b’Sozer ta’ Gudja jdawwar f’korner.
Fit-28 minuta Floriana tilfu ċans tad-deheb, meta Arias waħdu quddiem Sozer tefa’ barra.
Xutt mill-isbaħ ta’ Garcia fit-38 minuta, bil-goalkeeper tal-Gudja jtajjar il-periklu mill-lasta tiegħu. Sozer jerġa jkun strumentali għal Gudja United, meta 2 minuti mill-ħin mogħti żejjed isalva xutt bid-dawra ta’ Adam Magri Overend.
Bil-Floriana bl-aħjar tim fil-grawnd, mat-tisfira ta’ tmiem l-ewwel taqsima ż-żewġ timijiet rispettivi jidħlu jistrieħu f’parità ta’ 0-0.
Fit-48 minuta kontra x-xejra tal-logħob Gudja United jiftħu l-iskor minn azzjoni ta’ korner, b’Conor Borg jogħla fuq kulħadd biex bir-ras tefa’ l-ballun wara Kitanov.
Fit-52 minuta Floriana kienu viċin li jġibu draw meta ħarba minn nofs il-grawnd ta’ Adam Magri Overend, l-istess Overend jara x-xutt tiegħu mdawwar f’korner minn Sozer.
Fid-69 minuta Lonardelli Zammit mill-lemin jitfa’ kross, fejn issib lil Valadzko b’dan tal-aħħar jitfa’ fil-lasta tal-Gudja biex b’hekk ġab id-draw għal Floriana.
Floriana resqu viċin it-tieni gowl tagħhom meta kross ta’ Arias fil-81 minuta jsib lil de Sousa jara’ xutt tiegħu jgħaddi ftit barra.
Fis-86 minuta kross ta’ Mattia Veselji, issib lil Matheus de Sousa waħdu quddiem il-lasta li jsib lil goalkeeper ta’ Gudja jsalvalu l-ballun minn saqajh.
Floriana kienu l-aħjar tim fil-grawnd, madankollu dan ma kienx biżżejjed, dan għaliex sat-tisfira finali Gudja ikkontrollaw tajjeb biex minn din il-logħba ħadu punt wieħed ma wieħed mill-isfidanti ta’ dan il-kampjonat.
It-tieni żelqa għal Floriana li twaqqahom fit-tieni post tal-klassifika b’żewġ punti taħt Ħamrun Spartans, jekk irridu jibqaw mal-pass ta’ Ħamrun, Floriana jridu jaħdmu aktar biex f’logħob bħal dawn joħorġu bil-punti massimi. Filwaqt li Gudja United mill-logħba għall-oħra bil-limitazzjonijiet tagħhom qed juru logħob tajjeb ħafna.
