‘Wieħed irid iżomm f’moħħu li t-tim ta’ Valletta għadu qed jinbena u quddiemna kellna l-aktar tim b’saħħtu f’Malta – Enzo Potenza (Valletta)

‘Qatt ma’ kien hemm dubju min kien l-aħjar’

• Luciano Zauri, kowċ Ħamrun Spartans FC

‘Kellna logħba tajba ħafna fejn ksibna tlett punti oħra importanti. Ħasra però li kien hemm mumenti fejn irregalajna sitwazzjonijiet lill-avversarji tagħna.’ Dawn kienu l-ewwel kummenti tal-kowċ ta’ Ħamrun Spartans Luciano Zauri fi tmiem il-partita kontra r-rivali eterni Valletta. Huwa kompla hekk. ‘Fl-opinjoni tiegħi logħba li kif żvolġiet qatt ma’ kien hemm dubju min kien ser jirbaħ fejn żgur li aħna konna aħjar mill-avversarji. Illum irridu ngawdu dan il-mument imma minn għada nibdew naħsbu mill-ewwel fuq il-logħba li jmiss kontra Mosta, tim li għaddej minn mument tajjeb. Imma kuntent bil-plejers li rreaġixxew tajjeb mid-draw kontra Sliema Wanderers.’

‘Numru ta’ żbalji fl-ewwel għoxrin minuta’

• Vincenzo Potenza, kowċ Valletta FC

‘Nemmen li għamilna logħba tajba minkejja li ridna nkunu aktar attenti fl-ewwel għoxrin minuta tal-partita fejn għamilna numru ta’ żbalji’ Hekk ikkummenta Vincenzo Potenza wara t-telfa kontra Ħamrun Spartans. Il-kowċ Belti kompla jżid. ‘Wieħed irid iżomm f’moħħu li t-tim ta’ Valletta għadu qed jinbena u quddiemna kellna l-aktar tim b’saħħtu f’Malta. Irridu nitgħallmu minn dak li għamilna ħażin u nħarsu ‘l quddiem b’mod partikolari lejn il-logħba li jmissna kontra Gżira United.’

LOGĦOB LI JMISS

Is-Sibt 4 ta’ Novembru, 2023

Centenary Stadium

2:00pm Birkirkara – M’Xlokk

4:30pm Gżira Utd. – Valletta

Il-Ħadd 5 ta’ Novembru, 2023

Centenary Stadium

11:00am Ħamrun S. – Mosta

2:00pm Sta Lucia – Sliema W.

4:30pm Balzan – Naxxar L.

Tony Bezzina Stadium

2:00pm Hibernians – Gudja Utd.

4:30pm Floriana – Sirens