Il-Pulizija kkonfermat ma’ NET News li nhar l-Erbgħa li għadda, instab katavru fil-baħar ftit ‘il barra minn Għar Ħasan f’Birżebbuġa.
Il-ġisem kien fi stat qawwi ta’ dekompożizzjoni.
Fil-25 ta’ Ottubru, il-Pulizija ġiet infurmata bis-sejba. Il-katavru ttella’ mill-baħar mill-Forzi Armati ta’ Malta li mbagħad ġie ttrasportat b’ħelikopter u ingħata f’idejn il-Pulizija għall-investigazzjoni.
Il-katavru għadu ma ġiex identifikat. L-investigazzjonijiet mill-Pulizija għadom għaddejin, filwaqt li nfetħet inkjesta.
