Colin Schembri
Depiro……………………..54
Caffè Moak Luxol……57
(13-13)(12-15)(20-11)(9-18)
It-tieni unur tal-istaġun se jkun deċiż mill-ġdid bejn Caffè Moak Luxol u Starlites JSD hekk kif Luxol għelbu l-isfida ta’ Depiro 57-54. Kif jindika l-iskor il-partita kienet kumbattuta tant li l-akbar vantaġġ li kellhom iż-żewġ timijiet kien ta’ sitt punti u li nbidel għal seba’ darbiet tul il-partita. Għal 12 -il darba kien hemm hemm parita bejn iż-żewġ timijiet u dan juri kemm kienu viċin xulxin. Luxol ħadu l-ewwel vantaġġ bil-punti minn Josephine Diaby, Anna Fenech Pace u Sarah Sciberras fil-waqt li Jose Ann Johnson wieġbet għal Depiro. Diaby u Tayler Bennett poġġew lil Luxol fuq quddiem però basket ta’ Johnson lejn it-tmiem għamel l-iskor indaqs 13-13 fi tmiem l-ewwel taqsima. Fit-tieni sessjoni ż-żewġ timijiet bdew jirrispondu lil xulxin u trippla fuq kull naħa minn Bennet u Julia Borg ħallew l-iskor indaqs 20-20. Hawn Luxol għamlu sitt punti mingħajr risposta minn Fenech Pace, Bennett u Diaby però Depiro wieġbu b’basket ta’ Sophie Abela u trippla ta’ Nicole Agius biex fl-intervall Luxol kienu 28-25 minn fuq.
Fit-tielet sessjoni Luxol baqgħu erba’ punti minn fuq wara l-baskets ta’ Bennett u Lisa Fenech Pace. Johnson għamlet l-iskor indaqs għal Depiro qabel ma Diaby u L. Fenech Pace reġgħu poġġew lil Luxol fuq quddiem 39-35. Hawn wasal l-aħjar mument ta’ Depiro meta għamlu run ta’ 10-0 kollha minn Johnson u Abela biex temmew it-taqsima 45-39 minn fuq. Luxol irkupraw l-iżvantaġġ fil-ftuħ tal-aħħar sessjoni bi 8 punti mingħajr risposta minn Bennett u A. Fenech Pace. Depiro reġgħu marru minn fuq bi trippla ta’ Kirsty Galea però Bennett ukoll kellha trippla għal Luxol għal parita ta’ 54-54 fl-aħħar żewġ minuti. Bennett poġġiet lil Luxol minn fuq u fl-aħħar sbatax -il sekonda, Depiro kellhom żewġ tentattivi ta’ trippli minn Galea u Agius li però ma daħlux biex Luxol ħadu r-rebħa fuq skor finali ta’ 57-54.
Depiro: S. Abela 8, Ni. Agius 5, J. Xerri, J. Mallia, L. Sciberrras, C. Ciantar 8, J. Borg 5, J. Johnson 25, M. Micallef, N. Borg, K. Galea 3, L. Camilleri.
Caffè Moak Luxol: L. Fenech Pace 6, T. Bennett 24, H. Galea, N. Vella, M. Camilleri, S. Fenech Pace 4, J. Diaby 9, J. Said, V. Baldacchino, S. Sciberras 2, S. Farrugia 2, A. Fenech Pace 10.
Referees: Zvezdan Dobrosaviljevic, Nestor Rincon
