L-atleta tal-Wheelchair Para Darts Bradley Zerafa qed jieħu sehem fil-Hungarian Classic f’Budapest. Fil-kompetizzjoni, polza kontra Arnost Hladky tar-Repubblika Ċeka u Attila Pinter tal-Ungerija.
Zerafa rebaħ lil Pinter 3-1 iżda tilef 3-0 kontra Hladky. Minkejja dan wasal sal-finali kontra istess Arnost Hladky fejn tilef 4-1. Fil-Hungarian Masters Wheelchair ParaDarts, Zerafa wasal sas-semifinali wara li fil-fażi tal-gruppi għeleb lill-Ungeriżi Zsolt Szarvas 2-0 u Attila Pinter 2-1 iżda tilef ma’ Lajos Viragos Kis 2-1.
Fil-fażi tal-aħħar erbgħa, Zerafa minkejja wirja pożittiva tilef 3-1 kontra Arnost Hladky. Huwa iżda rebaħ il-finali għat-tielet u r-raba’ post meta għeleb lil Lajos Viragos Kis 2-0.
Bradley Zerafa jkun fl-azzjoni fi tmiem il-ġimgħa meta jikkompeti fil-Malta Darts International Open li se jsir fil-Kumpless Sportiv ta’ Ħal Kirkop.
Zerafa, li ilu jilgħab id-darts għal dawn l-aħħar 15-il xahar, wara l-aħħar riżultati pożittivi sal-aħħar ta’ Ġunju, żamm is-seba’ pożizzjoni minn 54 plejer b’ total ta’ 234 punt.
