Inter li jinsabu fil-quċċata tal-klassifika wara l-ewwel għaxar partiti fil-kampjonat, se jkunu qed jaffrontaw lil Atalanta li jinsabu fir-raba’ post il-lejla fis-6:00pm fil-Gewiss Stadium.
Iktar tard filgħaxija, Milan se jkunu qed jilqgħu l-isfida ta’ Udinese f’ San Siro, bir-Rossoneri jfittxu li jirritornaw għar-rebħ wara l-parità kontra Napoli ta’ 2-2 il-ġimgħa l-oħra.
L-ewwel partita tal-lum se tkun qed tintlagħab fi Stadio Arechi fit-3:00pm fejn Salernitana se jkunu qed jospitaw liċ-champions Napoli f’konfront li għandu jkun faċli għat-tim ta’ Rudi Garcia.
Għada jitkompla l-kampjonat, bl-ewwel partita tal-ġurnata tkun dik bejn Hellas Verona u Monza, fin-12:30pm.
Cagliari se jkunu qed jaffrontaw lil Genoa fil-partita tat-3:00pm, filwaqt li Roma ukoll qed jittamaw li jirritornaw għall-forma tajba wara t-telfa minima li sofrew kontra Inter f’San Siro, hekk kif se jkunu qed jilagħbu kontra Lecce fi Stadio Olimpico fis-6:00pm.
Fl-aħħar partita ta’ għada, Fiorentina se jkunu qed jisfidaw lil Juventus fid-8:45pm, b’dawk tal-aħħar jimmiraw li jkomplu fuq il-forma impekkabli tagħhom u jiksbu r-raba’ rebħa konsekuttiva tagħhom.
Finalment, it-Tnejn filgħaxija jintlagħbu l-aħħar żewġ partiti, b’Frosinone jospitaw lil Empoli fi Satdio Benito Stripe fis-6:30pm, filwaqt li fid-9:45pm, Torino se jilagħbu kontra Sassuolo fi Stadio Olimpico Grande Torino.
Ilbieraħ
Bologna v Lazio
Illum
Salernitana v Napoli 3:00pm
Atalanta v Inter 6:00pm
Milan v Udinese 8:45pm
Il-Ħadd
H.Verona v Monza 12:30pm
Cagliari v Genoa 3:00pm
Roma v Lecce 6:00pm
Fiorentina v Juventus 8:45pm
It-Tnejn
Frosinone v Empoli 6:30pm
Torino v Sassuolo 8:45pm
