Newcastle United 1-0 Arsenal
Fl-iktar partita mistennija tal-ġurnata fil-Premier League, Newcastle United komplew il-forma impekkabli hekk kif ħarġu rebbieħa fil-konfront kontra Arsenal, b’ Anthony Gordon ikun l-eroj tal-Magpies b’gowl fl-64 minuta minn pass ta’ Joelinton.
Fulham 0-1 Manchester United
Fl-ewwel partita tal-ġurnata, Manchester United kisbu rebħa drammatika ta’ 1-0 fuq Fulham b’Bruno Fernandes ikun l-eroj tar-Red Devils b’gowl fl-aħħar mumenti tal-logħba.
Manchester United kienu miċħuda mill-ewwel gowl wara 8 minuti logħob hekk kif il-gowl ta’ Scott McTominay ġie kkanċellat wara konsultazzjoni tal-VAR
Fil-91 minuta l-midfilder avvanzat Bruno Fernandes xeħet ġewwa b’xutt indirizzat lejn ir-rokna t’isfel tal-lemin minn suġġeriment tas-sostitu Facundo Pellistri.
Manchester City 6-1 Bournemouth
Manchester City b’wirja dominanti u rebħa impressjonanti fuq Bournemouth ta’ 6-1, b’5 plejers differenti jsibu x-xibka.
Jeremy Doku bla dubju protagonist fir-rebħa hekk kif akkumula 4 assists f’ismu kif ukoll kien il-plejer li sab ix-xibka l-ewwel wara nofsija logħob b’xutt baxx mill-pass preċiż ta’ Rodri.
Tlett minuti wara u issa kien imiss lil Bernardo Silva li jkollu l-mument tiegħu fil-partita meta rdoppja l-iskor b’xutt bix-xellug indirizzat lejn ir-rokna t’isfel tal-lemin.
Fis-37 minuta d-difensur Manuel Akanji jagħmel l-iskor 3-0 minn korner mogħti minn Doku.
Phil Foden skorja l-ewwel gowl tat-tieni taqsima fl-64 minuta.
Għaxar minuti wara Bournemouth skorjaw gowl ta’ konsolazzjoni meta Luis Sinisterra għeleb lil Ederson minn pass ta’ Max Aarons.
Fit-83 minuta komplew deħlin il-gowl għas-Citizens meta Bernardo Silva skorja t-tieni gowl personali tiegħu minn xutt mill-viċin minn assist ieħor ta’ Doku.
L-aħħar gowl tal-partita kien skorjat minn Nathan Ake b’daqqa ta’ ras din id-darba minn kross ta’ Oscar Bobb minn korner.
Brentford 3-2 West Ham United
Partita oħra mimlija azzjoni hekk kif Brentford wettqu rimonta sabiex għelbu lil tim ieħor minn Londra, West Ham United bl-iskor finali jkun 3-2.
Kienu Brentford li sabu x-xibka l-ewwel permezz tal-attakkant Franċiż Neal Maupay wara 11-il minuta logħob b’daqqa ta’ ras mill-viċin mill-pass ta’ Onyeka.
West Ham ma damux ma għamlu l-iskor indaqs, hekk kif fid-19-il minuta, Mohammed Kudus niżżel ismu mal-iskorers b’xutt baxx fir-rokna t’isfel tax-xellug.
Fis-26 minuta West Ham marru fil-vantaġġ meta Jarrod Bowen tefa’ ġewwa b’xutt angolat mil-lemin.
Brentford kellhom jistennew sal-55 minuta sabiex jiksbu l-parità, meta Kostantinos Mavropanos xeħet fix-xibka tiegħu stess wara li ma rnexxielux ibiegħed il-periklu li wasal minn korner.
Brentford skorjaw il-gowl tar-rebħa fid-69 minuta permezz tad-difensur ċentrali Nathan Collins meta sab ix-xibka b’daqqa ta’ ras kalma mill-kross ta’ Jensen.
Burnley 0-2 Crystal Palace
Rebħa għal Crystal Palce fil-konfront tagħhom kontra Burnley, bl-iskor finali jkun 0-2.
B’dan ir-riżultat titkompla l-forma ħażina ta’ Burnley hekk kif jinsabu fid-19-il post wara 11-il partita, fejn kisbu biss rebħa 4 punti.
Fit-22 minuta Jeffrey Schlupp fetaħ l-iskor minn assist ta’ Jordan Ayew, bit-tieni gowl jasal fl-aħħar minuti tal-partita mid-difensur laterali Tyrick Mitchell jixħet ġewwa b’xutt bix-xellug mill-azzjoni maħluqa ta’ Eze.
Everton 1-1 Brighton
Punt misruq għal Brighton fil-partita kontra Everton f’Goodison Park bl-iskor ta’ 1-1.
Everton skorjaw l-ewwel wara 7 minuti permezz tad-difensur laterali Ukren Vitali Mykolenko b’gowl mill-isbaħ mil-lemin jispiċċa fir-rokna ta’ fuq tax-xellug.
Fil-84 minuta s-Seagulls kisbu d-draw b’auto-gowl ta’ Ashley Young.
Sheffield United 2-1 Wolves
Rebħa minima ta’ 2-1 għal Sheffield United kontra Wolves bil-gowl tar-rebħa jasal wara 100 minuta logħob minn penalty mogħti minn Norwood.
Partita kwieta għall-aħħar sat-72 mnuta meta Cameron Archer fetaħ l-iskor għal Sehffield minn pass ta’ McAtee.
Fid-89 minuta Wolves ħasbu li salvaw punt mill-partita meta Jean-Ricner Bellegarde għamel l-iskor indaqs minn pass ta’ Hwang Hee-Chan, madankollu b’xortihom ħażina, wara 9 minuti ħin miżjud ir-referee saffar għall-penalty, b’Oliver Norwood ma jfalliex u jagħti r-rebħa lil Sheffield.
Illum
Fulham v Man. Utd 0-1
Brentford v West Ham 3-2
Burnley v C.Palace 0-2
Everton v Brighton 1-1
Man.City v Bournemouth 6-1
Sheffield U. v Wolves 2-1
Newcastle U. v Arsenal 1-0
Għada
Nottingham F. v A.Villa 3:00pm
Luton T. v Liverpool 5:30pm
It-Tnejn
Tottenham H. v Chelsea 9:00pm
