Żewġ timijiet minn Londra se jkunu fiċ-ċentru tal-interess tal-11-il ġurnata tal-Premier League hekk kif Tottenham Hotspur li jinsabu fil-quċċata tal-klassifika se jkunu qed jilqgħu lil Chelsea fit-Tottenham Hotspur Stadium it-Tnejn fid-9:00pm. Minn naħa l-oħra, Newcastle United se jaffrontaw lil Arsenal il-lejla fis-6:30pm, b’dawk tal-aħħar jimmiraw li jibnu fuq ir-rebħa kurċjali li kisbu ftit ta’ jiem ilu fil-Carabao Cup fuq Manchester United bl-iskor ta’ 3-0.
Ilum fis-1:30pm, Fulham se jilqgħu l-isfida ta’ Manchester United fi Craven Cottage, filwaqt li fl-4:00pm sensiela ta’ partiti t’interess se jikkonkludu l-ġurnata. Partita oħra bejn żewġ timijiet minn Londra, hekk kif Brentford se jilagħbu kontra West Ham, filwaqt li Burnley se jaffrontaw lil Crystal Palce.
Everton b’partita xejn faċli kontra Brighton f’Goodison Park, bit-Toffees ifittxu li jibnu fuq l-aħħar rebħa li kisbu fir-raba’ rawnd tal-Carabao Cup kontra Burnley bl-iskor ta’3-0.
Manchester City kontra Bournemouth fl-Etihad Stadium u Sheffield United kontra Wolves ikunu l-aħħar żewġ partiti li se jintlagħbu l-lejla fl-4:00pm.
Għada jitkompla l-kampjonat, bl-aħħar żewġ partiti jkunu Nottingham Forest kontra Aston Villa fit-3:00pm, u Luton Town kontra Liverpool fil-5:30pm.
Illum
Fulham v Man. Utd 1:30pm
Brentford v West Ham 4:00pm
Burnley v C.Palae 4:00pm
Everton v Brighton 4:00pm
Man.City v Bournemouth 4:00pm
Sheffield U. v Wolves 4:00pm
Newcastle U. v Arsenal 6:30pm
Il-Ħadd
Nottingham F. v A.Villa 3:00pm
Luton T. v Liverpool 5:30pm
It-Tnejn
Tottenham H. v Chelsea 9:00pm
