Andrè Muscat
BIRKIRKARA…………….. 0
MARSAXLOKK………….. 2
Birkirkara : M. Zapytowski, D. Mariani (M. Gambin 73’), J. Pajovic, E. Pepe, Y.Yankman, P. Mbong, K. Zammit (A. Satariano 61’), E. Manuel Pena Beltre (N. Micallef 88’), S. Zibo (M. Maia 61’), A. Diaktre, A. Ciolacu
Marsaxlokk : M. Drobnjak, W. Soares Da Silva, M. De Jesus, D. Bonnici, J. Walker (J. Ghio 64’), A. Vaikainah, L. Aguirre, R. Scicluna, D. Pires Dall’Oca (N.Muscat 80’), S. Akinbule (A. Obonogwu 80’), F. Gomes (S. Boakye 86’)
Skorjaw: M. De Jesus 36’, 93’ (M)
Imwissija: J. Pajovic 5’ (B), J. Walker 7’ (M), A. Vaikainah 20’ (M), R. Scicluna 26’ (M), S. Zibo 33’ (B), D. Bonnici 48’ (M), E. Manuel Pena Beltre 70’ (B), A. Ciolacu 77’ (B), E. Pepe 79’ (B)
Tkeċċew: E.Pepe 83’ (B), A. Diaktre 90’ (B)
Referee: Matthew De Gabriele
Assistenti Referees: Jurgen Spiteri u Mitchell Scerri
BOV Plejer tal-Logħba: Messias De Jesus (M)
Il-Mument Plejer tal-logħba: Messias De Jesus (M)
Marsaxlokk komplew juru l-konsitenza tagħhom f’dan il-kampjonat u fil-grawnd taċ-Ċentinarju ħadu l-punti massimi kontra Birkirkara li, f’din il-logħba spiċċaw jilagħbu b’9 plejers.
Wara 9 minuti logħob il-Kalkariżi jersqu viċi li jiftħu l-iskor, b’Zibo minn taħt il-lasta jitfa’ għoli.
Freekick dirett ta’ Mariani fl-20 minuta jagħti d-diffikulta’ l-goalkeeper Xlukkajr, li rnexxielu jdawwar f’korner.
Kien Messias De Jesus li fetaħ l-iskror tal-partita. Messias fis-36 minuta qabad il-ballun f’tarf il-kaxxa l-kbira, u b’xutt mill-isbaħ bix-xellug tefa’ wara l-goalkeeper Kalkariż Drobnjak, biex b’hekk ix-Xlukkajri kontra x-xejra tal-logħob jmoru fil-vantaġġ.
Wara taqsima mill-aktar bilanċjata, bit-tim tal-Wied ikun xi ftit aħjar mit-tim Xlukkajr, iż-żewg it-timijiet rispettivi jidħlu jistrieħu b’vantaġġ minimu ta’ 1-0 favur Marsaxlokk.
Wara l-bidu tat-tieni taqsima nieqes mill-azzjonijiet, kellna nistennew sas-67 minuta biex naraw l-ewwel azzjoni perikoluża, b’xutt mill-isbaħ ta’ Yankam issib lil Drobnjak ta’ Marsaxlokk fil-pożizzjoni ideali biex dawwar it-tentativ tal-Kalkariż f’korner.
Marsxlokk kienu viċin li jirduppjaw meta fit-80 minuta Leandro Aguirre minn freekick dirett jara t-tentattiv tiegħu jgħaddi ftit għoli mill-minduda.
Fit-83 minuta Birkirkara jispiċċaw jilgħabu b’10 plejers, meta Enrico Pepe akkumula t-tieni karta safra fil-partita.
Żewġ minuti fuq id-90 minuta Marsaxlokk ġew mogħtija penalty wara li Ayo jipprova xutt minn barra, bil-Kalkariż Ali Diakite iżomm il-ballun b’idejh u r-referee Matthew Degabriele jsaffar penalty favur ix-Xlukkajr u juri ħamra diretta lill-plejer ta’ Birkirkara.
Mill-11-il metru kien Messias li jirdoppja għal Marsaxlokk u jagħqad id-doppjeta personali tiegħu fil-ġurnata. B’hekk it-3 punti ta’ din il-logħba marru ix-xatt ta’ Marsaxlokk filwaqt li n-nuqqas ta’ konsistenza ta’ Birkirkara f’dan il-kampjonat tkompli. Fit-tmiem il-logħba l-ġurnalisti preżenti għażlu lil Messias De Jesus ta’ Marsaxlokk bħala l-plejer tal-logħba.
