Andrè Muscat
SANTA LUCIA………………………. 0
SLIEMA WANDERERS………….. 1
Santa Lucia: C. Da Paz Silva, M. Ellul, S. Pisani, E. Perira (J. Valletta 88’), T. Nagamastu (D. Xuereb 61’), J. Pisani, N. Virano (L. Sena Silva 68’), G. Moreira, A. Piazza (A. Bradshaw 68’), S. Xerri, E. Pinto Gomes (J. Tanti 61’)
Sliema Wanderers: R. Al Tumi, J. Borg, M. Minala, V. Plut (N. Frendo 72’), M. Beerman, G. Alcino, E. Agius, D. Kouao (M. D’Alessandro 90’), H. Bernardo, S. Gomes (K. Abubakar 61’), A. Mohamed (L. Micallef 72’)
Skorjaw: S. Gomes 34’ (SW)
Imwissija: S. Xerri 60’ (SL)
Tkeċċew: S. Xerri 76’ (SL)
Referee: Malcom Spiteri
Assistenti Referees: Duncan Sultana u Max-Lee Muscat
BOV Plejer tal-Logħba: Marie Minala Joseph (Sliema Wanderers)
In-Nazzjon Plejer tal-logħba: Vito Plut (Sliema Wanderers)
Fl-stadium taċ-Ċentinarju Sliema ħadu tlett punti oħra, din id-darba fil-konfront kontra Santa Lucia, bl-iskor ta’ 1-0 b’ Gomes jagħmel id-differenza kollha fl-ewwel taqsima.
Kienu s-Slimiżi li ħarġu fuq l-offensiva u wara 5 minuti logħob Vito Plut ittanta xortih b’xutt minn barra l-kaxxa l-kbira li l-istess xutt ħakkek mal-wieqfa.
Kellna nistennew sat-32 minuta biex naraw azzjoni oħra, meta Sliema minn korner mil-lemin ħoloq konfużjoni fil-kaxxa ta’ Santa Lucia, b’Vito Pluto jitfa’ barra.
Sliema jiftħu l-iskor fl-34 minuta din id-darba Plut jitfa’ kross mix-xellug lejn in-nofs b’ Samuel Gomes Da Mata waħdu quddiem lasta vojta ma’ żbaljax.
Tasal l-ewwel azzjoni ta’ Santa Lucia fit-42 minuta minn korner ta’ Hulk bil-ballun jaħbat mal-minduda b’Al Tumi jbiegħed il-periklu u jdawwar f’korner.
Wara tlett kwarti logħob Santa Lucia jerġaw jippruvaw iġibu draw b’xutt mix-xellug ta’ Alves, Rashed Al Tumi jsalva bi ftit diffikultà . Taqsima nieqsa mill-azzjonijiet u ħafna logħob f’nofs il-grawnd, is-Slimiżi jidħlu jistrieħu meritatament fil-vantaġġ ta’ 1-0.
Għaxar minuti mill-ftuħ tat-tieni taqsima Sliema kienu viċin li jriduppjaw, wara li Gomes żmarka li Plut, b’dan tal-aħħar jara li Da Paz isalva b’saqajh bil-ballun jispiċċa barra.
Reġa kien Plut li fit-62 minuta pprova xutt lejn il-lasta ta’ Santa Lucia bil-ballun jgħaddi ftit barra.
Xutt mill-isbaħ ta’ Acheampong bix-xellugija fit-72 minuta Celio Da Paz b’diffikultà jdawwar f’korner. Fid-79 minuta Sliema jerġgħu jersqu viċin li jirduppjaw meta Karim Abubakar jara xutt tiegħu minn taħt il-lasta salvat min Da Paz.
Sliema baqaw jiddefendu l-iskor minimu sa tmiem il-partita biex b’hekk ħadu it-3 punti, filwaqt li Santa Lucia baqgħu ankrati ma qieh il-klassifka. Il-plejer tal-logħba magħżul mill-ġurnalisti preżenti jieħodha l-plejer ta’ liema Joseph Minala.
(Ritratt: Josef Fitzpatrick)
