Sewwieq ta’ mutur ta’ 52 sena minn Ħal Kirkop qed isofri minn xi ġrieħi wara inċident li seħħ fi Triq San Tumas, Ħal Luqa.
L-inċident seħħ għall-ħabta tas-7:20 am meta mill-ewwel investigazzjoni ħareġ li kien hemm inċident bejn karozza misjuqa minn raġel ta’ 28 sena residenti San Ġwann u l-mutur misjuq minn raġel ta’ 52 sena minn Ħal Kirkop.
Fil-post issejjaħ tim mediku mill-Isptar Mater Dei fejn wara li taw l-ewwel għajnuna lis-sewwieq tal-mutur, huwa ttieħed l-isptar għal iktar kura. Il-kundizzjoni tiegħu għadha pendenti.
