Jien nerfa’ r-responsabbiltà għal din it-telfa – Giovanni Tedesco

‘Pjan tattiku li rnexxa’

• Winston Muscat, kowċ Marsaxlokk

‘Bħalma ħsibna kienet logħba diffiċli ħafna kontra Birkirkara’. L-ewwel kumment li lissen il-kowċ ta’ Marsaxlokk Winston Muscat wara r-rebħa kontra l-Istripes. Muscat kompla jelabora. ‘Il-pjan tagħna kien li nagħlqu kemm jista’ jkun u noperaw bil-kontrattakk. Hekk kif wasal il-gowl dan tana s-saħħa bil-plejers ikunu dixxiplinati ħafna u jżommu ’l bogħod lill-plejers avversarji. Kuntrarju għal-logħbiet l-oħra kellna anqas pussess iżda finalment l-importanti huma l-punti. Kif għedt, għamilna xi bidliet mill-aħħar logħba fejn ħdimna li nċedu l-inizjattiva u noperaw bil-kontrattakki, u jidher li s-sistema ħadmet’

‘Nitlob skuża lill-partitarji’

• Giovanni Tedesco, kowċ Birkirkara

‘Ftit li xejn hemm xi tgħid. Marsaxlokk għamlu logħba kbira u rebħu meritatament.’ Kliem il-kowċ ta’ Birkirkara Giovanni Tedesco wara t-telfa bl-iskor ta’ 2-0 kontra x-Xlukkajri. Huwa kompla hekk. ‘Jien nerfa’ r-responabbiltà għal din it-telfa fejn konna nidhru tim bla motivazzjoni. Fil-futbol jekk ma’ jkollokx l-għatx għar-rebħa din ma tasalx u wara wirja bħal din l-unika ħaġa li nħoss li għandi ngħid huwa li nitlob skuża lill-partitarji tagħna.’

LOGĦOB LI JMISS

Is-Sibt 25 ta’ Novembru, 2023

Stadium Nazzjonali

2.00pm Sliema W. – Floriana

4.15pm M’Xlokk – Ħamrun S.

Tony Bezzina Stadium  

2.00pm Sirens –  Hibernians

4.30pm Gudja Utd. – Balzan

Il-Ħadd 26 ta’ Novembru, 2023

Centenary Stadium

11.00am Mosta – Gżira Utd.

Tony Bezzina Stadium

2.00pm Naxxar L. – B’Kara

4.30pm Valletta – Sta Lucia