Tliet timijiet jinsabu fl-ewwel post tal-Veterans Malta Football Association Cisk Premier League wara li ntlagħab round ieħor ta’ logħob.
Żejtun Red Stars ħasdu lil-leaders Gżira United Veterans hekk kif ħarġu rebbieħa 5-4 f’partita bbilanċjata u miftuħa għal kull riżultat.
Rabat Veterans approfittaw minn dan ir-riżultat fejn issa qed jaqsmu l-ewwel post mal-istess Gżira United Veterans wara li għelbu lil Żurrieq Wolves 4-2.
Birkirkara St Helen’s telgħu ukoll fl-ewwel post u laħqu lil Rabat u Gżira wara li ftit tħabtu biex għelbu lil Luxol bl-iskor kbir ta’ 6-1.
Hibernians telgħu għal disa’ punti fil-klassifika hekk kif għelbu lil Malta Football Players Association 6-2.
KLASSIFIKA – VMFA CISK PREMIER LEAGUE Gżira United, Birkirkara St Helen’s, Rabat Veterans b’10 punti kull wieħed , Hibernians 9 punti , Luxol 7 punti , Żejtun Red Stars 6 punti , Malta Football Players Association 5 punti u Żurrieq Wolves 0 ebda punt.
