F’ċerimonja li saret fil-Kwartieri Ġenerali tal-Pulizija, ġie ċċelebrat il-100 anniversarju mit-twaqqif tal-Banda tal-Korp tal-Pulizija.
Waqt din iċ-ċerimonja nkixfet irħama kommemorattiva u wara saret preżentazzjoni ta’ ċertifikati ta’ ringrazzjament u midalji lill-bandisti u lil dawk li kienu ta’ sapport għall-banda, partikolarment waqt il-kunċerti li saru din is-sena b’rabta maċ-ċelebrazzjonijiet tal-100 sena.
Bi storja li tmur lura 100 sena, il-Banda tal-Korp hija possibbilment l-ewwel Banda Nazzjonali fl-istorja bandistika lokali.
Biex jibqa’ kkommemorat dan l-anniversarju, il-Korp tal-Pulizija nieda wkoll edizzjoni limitata ta’ sett bolol bħala First Day Cover b’kollaborazzjoni mal-Malta Post.
Dawn il-First Day Covers esklussivi qed jinbiegħu għall-prezz ta’ €35. Informazzjoni dwar kif wieħed jista’ jibbukja l-kopja tiegħu tinsab fuq il-paġna ta’ Facebook tal-Korp (The Malta Police Force).
