Fl-aħħar ħin, numru ta’ attivisti spiċċaw tneħħew mill-pjazza tal-Mosta – b’uħud minnhom saħansitra arrestati – waqt li kienu għaddejin bl-azzjoni biex iwaqqfu t-tqaċċit tas-siġar.
Kien ftit qabel l-4pm meta qamet kommossjoni fil-pjazza waqt li l-ħaddiema prova jagħlqu z-zona bil-barriers. Dan sabiex ikomplu bix-xogħol relatat mat-tneħħija tas-siġar mill-pjazza.
Filmati li ra Net News jindikaw li l-attivista tal-Graffitti Andre Callus spiċċa arrestat mill-Pulizija.
Numru ta’ dimostranti xorta baqgħu fil-post u mhux iħallu l-gafef u l-makkinarju jkomplu bit-tneħħija tas-siġar.
