Missio Malta u l-Mosta Scout Group jerġgħu jingħaqdu biex jorganizzaw l-attività nazzjonali annwali tal-Abseiling u Ziplining, b’risq il-missjoni fl-Afrika Missio Malta b’kollaborazzjoni mal-Mosta Scout Group, qed jisfidaw lill-membri tal-pubbliku sabiex jgħinu, filwaqt li jipparteċipaw fl-attività nazzjonali annwali tal-Abseiling u Ziplining, li ser isseħħ fuq il-Pont tal-Mosta, nhar it-18 u 19 ta’ Novembru.
Din l-attività, li tinsab fit-8 edizzjoni tagħha, hija kruċjali għall-ġbir ta’ fondi li jgħinu lil Missio Malta tagħti
sostenn lil numru ta’ proġetti fl-Afrika. “Għal darb’oħra, Missio Malta reġgħet qed tikkollabora mat-team fenomenali tal-Mosta Scout Group, kif għamlet fl-aħħar tmien snin, u qed torganizza l-attività nazzjonali li kibret minn sena għall-oħra,” qal Robert Farrugia il-Kap tal-Komunikazzjoni u Ġbir ta’ Fondi ta’ Missio Malta.
“Filfatt, l-interess u l-attendenza tal-pubbliku waqt l-attività hija pożittiva immens, li jfisser li l-attività
saret appuntament permanenti fil-kalendarju ta’ ħafna nies. Iktar important minn hekk, kull persuna li
tattendi għal din l-attività, filwaqt li jkunu qed jiħdu gost, u jagħmlu eżerċizzju fiżiku tajjeb għal
saħħithom, ikunu qed jgħinu direttament fil-ħidma tagħna li nagħmlu d-differenza fil-ħajjiet ta’ ħafna nies
fl-Afrika,” innota s-Sur Farrugia.
Dawk interessati għandhom jirreġistraw fuq www.mostascouts.org/bookings. Waqt l-attività, il-membri tal-pubbliku ser ikunu jistgħu ukoll jipparteċipaw fl-inizjjativa Ejja Imxi Miegħi, fejn permezz tal-użu tat-teknoloġija tar-realtà virtwali u treadmills, il-parteċipanti jkollhom illużjoni li qed jimxu distanzi twal fl-Afrika sabiex jiksbu l-ilma tajjeb għax-xorb.
L-attivitjiet kollha li ser isiru fit-18 u 19 ta’ Novembru ser jitmexxew minn persuni ċċertifikati mill-Mosta
Scout Group, u ser ikunu koperti minn polza tal-assigurazzjoni neċessarja. Formuli ta’ kunsens, huma disponibbli online, jew fuq il-post. Fil-każ ta’ minorenni dawn iridu jimtlew minn qabel.
