Uffiċjal ta’ Transport Malta li għandu 35 sena weġġà gravi wara li ttajjar minn karozza fi Triq Sir Temi Zammit, l-Imġarr.
L-inċident seħħ l-Erbgħa filgħodu għall-ħabta tat-8:15.
Il-Pulizija marret fil-post u minn investigazzjoni li saret irriżulta li l-Uffiċjal li huwa residenti Ħad Dingli intlaqat minn karozza misjuqa minn Taljana ta’ 60 sena residenti s-Swieqi.
Tim mediku mar fil-post sabiex jassisti filwaqt li ambulanza ħadet lir-raġel l-Isptar Mater Dei għall-kura meħtieġa.
Aktar tard huwa ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
