Colin Schembri
Caffè Moak Luxol………….54
Depiro…………………………….46
(9-9)(20-12)(17-14)(8-12)
Caffè Moak Luxol fetħu l-impenji tagħhom fil-kampjonat b’rebħa fuq Depiro 54-46, Luxol kienu diġa għelbu lil Depiro fis-Shield u rrepetew is-suċċess fil-kampjonat. Minkejja dan, kienu Depiro li kellhom l-aħjar bidu meta punti minn Claire Ciantar, Sophie Abela u Jose Ann Johnson poġġewhom 9-2 minn fuq. Il-punti f’din it-taqsima komplew ġejjin bil-mod hekk kif Luxol kellhom seba’ punti mingħajr risposta sa’ tmiem is-sessjoni minn Josephine Diaby u Sarah Sciberras għal skor ta’ 9-9. It-tieni taqsima fetħet b’seba’ punti oħra minn Luxol minn Sarah Fenech Pace u Tayler Bennett. Wara basket minn Julia Borg għal Depiro, kien hemm run ta’ 10-0 b’żewġ trippli minn Bennett. Għal Depiro kienet Borg li kompliet tikseb il-punti fosthom bi trippla biex sal-intervall naqqsu d-distakk għal 8 punti 29-21.
Wara l-intervall, Depiro fetħu tajjeb b’aktar trippli minn Borg għalkemm Bennett ukoll kellha three pointer għal Luxol biex id-distakk niżel għal 4 punti 34-30. Hawn Luxol reġgħu għamlu run ta’ 12-2 bi trippla ta’ Lisa Fenech Pace u l-punti ta’ Shanice Farrugia u Bennett biex Luxol temmew is-sessjon 46-34 minn fuq. L-aħħar sessjoni reġgħat kienet nieqsa mill-punti u kellna nistennew sa’ nofsha biex punti ta’ Abela u trippla ta’ Borg naqqsu d-distakk għal Depiro 39-48. Sas-sitt minuta Luxol żammew vantaġġ komdu ta’ 12 -il punt wara punti minn Diaby u S. Fenech Pace biex ma kellhomx diffikulta jikkontrollaw ir-riżultat sat-tmiem u ħarġu rebbieħa 54-46.
Caffè Moak Luxol: L. Fenech Pace 12, T. Bennett 20, H. Galea, N. Vella, E. Abela, S. Fenech Pace 12, J. Diaby 7, J. Said, V. Baldacchino, S. Sciberras, S. Farrugia 3, A. Fenech Pace.
Depiro: S. Abela 7, Ni. Agius, J. Xerri, L. Sciberras, No. Agius, C. Ciantar 8, J. Borg 18, J. Johnson 9, M. Micallef, N. Borg, K. Galea 4, L. Camilleri.
Referees: Nicky Azzopardi, Julie Londono.
Starlites JSD……..77
Fusion Quest……62
(23-13)(26-12)(14-19)(14-18)
Ic-Champions Starlites JSD bdew id-difiża tat-titlu li rebħu l-istaġun li għadda b’rebħa fuq Fusion Quest 77-62. Huma kienu mingħajr Steffi De Martino bil-coach Fatih Dedeliouglu jkompli jintroduċi aktar players żagħżagħ fejn kien imiss lil Ylenia Ferrando li tiddebutta fl-ewwel diviżjoni. Kien ukoll ħafna ħin fuq il-court għal players bħal Philippa Riolo. Catherine Vella, Catherine Cilia u Stephanie Davies. Fusion kellhom biss seba’ players fosthom id-debutt ta’ Nicole Vella u l-punteġġ tagħhom kien maqsum primarjament bejn Julia Schembri li kellha ħames tripplu u Agustina Ledesma li spiċċat bħala l-aħjar skorer tal-partita bi 23 punt. Starlites fetħu tajjeb fejn sar-raba’ minuta kienu 10-5 minn fuq. Fusion wieġbu permezz ta’ Vella u Milica Stefanovic però Starlites għalqu s-sessjoni bi break ta’ 11-4 fosthom bi trippla ta’ Mikela Riolo għal skor ta’ 23-13. Fit-tieni perjodu, Starlites komplew b’aktar trippli ta’ Riolo f’run ta’ 12-3 biex fetħu vantaġġ ta’ 17 -il punt 35-18. Hawn Ledesma għamlet seba’ punti mingħajr risposta għal Fusion biex naqqsu d-distakk għal 10 punti. Dawn però kienu l-aħħar punti tagħhom għaliex minn hemm ‘l quddiem, Starlites kellhom run ta’ 14-0 fosthom trippla ta’ Paige Cannon u punti ta’ Riolo u Maria Bonett biex daħlu jistrrieħu 496-25 minn fuq.
It-tielet sessjoni kienet favorevoli għal Fusion fejn irnexxielhom jagħmlu run ta’ 13-2 bi trippli ta’ Schembri u Natalija Pejcic biex naqqsu d-distakk għal 15 -il punt 40-55. Starlites kellhom it-trippli minn P. Riolo u Michela Zammit Cordina għal skr ta’ 53-44. L-aħħar taqsima kienet maqsuma bejn iż-żewġ timijiet fejn fejn wara break qasir ta’ 7-2 minn Fusion bi trippla ta’ Schembri, Starlites għamlu 12 -il punt mingħajr risposta permezz ta’ Cannon, Bonett u Mariah Fenech. Fl-aħħar tlett minuti kienu biss Fusion li għamlu l-punti fi break ieħor ta’ 11-0 fejn Schembri kellha tlett trippli oħra biex Starlites ħadu r-rebħa 77-62.
Starlites JSD: M. Zammit Cordina 8, M. Riolo 10, A. Saliba, M. Fenech 4, M. Bonett 10, Y. Ferrando, P. Cannon 19, P. Riolo 9, C. Vella, C. Cilia 4, S. Davies 9, C. Curmi 4.
Fusion Quest: H Grixti, M. Stefanovic 8, P. Millo 1, J. Schembri 15, A. Ledesma 23, N. Vella 10, N. Pejcic 5.
Referees: Ivica Simic, Gianfranco Russo.
