Fl-aħħar jiem, il-President ta’ Malta George Vella mexxa ċ-ċerimonja tal-investitura tal-Midalja tad-Deheb ‘Ġieħ l-Akkademja tal-Malti’ – midalja li din is-sena ingħatat lill-awtur Charles Casha għall-ħidma tiegħu b’risq il-letteratura Maltija u l-ilsien Malti.
Matul iċ-ċerimonja…il-President Vella stqarr illi bħalma Charles Casha sawwar il-karattri tal-kitbiet tiegħu mir-realtà li ltaqa’ magħha ta’ kuljum, “ma rridux ninsew kemm sawwar karattri ta’ studenti f’valuri illi ma jinbidlux”.
Tul is-snin, din il-Midalja tad-Deheb ingħatat fost l-oħrajn, lill-Professur Oliver Friggieri, Trevor Zahra, Lina Brockdorff, lill-Professur Manwel Mifsud u lill-Professur Albert Borg.
