Libjan ta’ 43 sena ġie lliberat minn akkużi li stupra tfajla aktar minn darba, li żammha kontra r-rieda tagħha u li feriha ħafif. Mustafa Abu Seadah dejjem ċaħad l-akkużi miġjubin kontrih f’każ li mur lura għat-12 ta’ Ġunju 2018 meta t-tfajla kellha 21 sena.
Mill-provi fil-Qorti ħareġ li t-tfajla kienet għamlet rapport l-għassa tal-Belt li kellha relazzjoni sesswali mingħajr il-kunsens tagħha f’erba’ okkażjonijiet differenti. Madankollu l-Qorti qalet li l-verżjoni tat-tfajla kienet waħda inkonsistenti fejn kollox jindika li kienet hi li ffissat fuqu u li sa qaltlu biex jitlaq lil mara biex joqgħod magħha minkejja li kellha l-għarus filwaqt li l-atti sesswali li saru kienu b’kunsens.
Qalet li kienet impjegata mal-imputat fil-kafetterija tiegħu fil-Belt Valletta u sostniet li nżammet fir-residenza tiegħu kontra l-volonta tagħha u weġġagħha ħafif. Min-naħa tiegħu, l-imputat ammetta li kellhom relazzjoni sesswali għal aktar minn darba fir-residenza tiegħu iżda kollha kienu bil-kunsens tagħha.
It-tfajla qalet li Mustafa Abu Seadah kien stupraha erba’ darbiet, u li l-ewwel darba dan seħħ ġimgħa biss wara li bdiet taħdem miegħu. Tenniet li l-ewwel darba, kien ġab skuża biex titla’ miegħu d-dar biex tiktiblu email.
Qalet li ma wera ebda intenzjoni jew għamel xi avvanz jew tefa’ xi botta. Madankollu meta daħal id-dar neża’ għarwien u qalilha li f’daru hu dejjem joqgħod bla ħwejjeġ. Kompliet tgħid li wara mar fis-sodda u beda jmiss lilu nnifsu u ġibidha lejh.
Kompliet tgħid li meta pprovat tqum ma ħallihiex u neħħilha l-ħwejjeġ. Qalet li beda jmissilha l-partijiet privati tagħha b’subgħajh u baqa’ għaddej minkejja li qaltlu biex jieqaf. Sostniet li aktar ma raha skomda aktar beda jieħu gost.
It-tfajla qalet ukoll li talabha skuża u ħafritlu u li l-għada marret għax-xogħol normali u ma tkellmet xejn fuq li ġara. Kompliet tgħid li xi ġimgħa wara reġaż qalilha tmur id-dar biex tgħinu jikteb email u reġa’ għamlilha l-istess. Kien talabha tgħannqu u neżżagħha u li dakinhar kien hemm penetrazzjoni.
It-tfajla kompliet tgħid li l-għada reġgħet marret ix-xogħol u wrieha li kien iddispjaċih. Skont hit-tielet darba seħħħet meta kienet telqet kmieni mix-xogħol u ċemplilha biex tmur lura tikteb email.
Marru d-dar tiegħu u qagħdet attenta għax ma bdietx tafdah. Qalet li meta daħlet fil-kamra tas-sodda sabitu bla ħwejjeġ u ma riditx tidħol ħdejh u għolla leħnu magħha u reġa’ rrepeta dak li kien għamlilha qabel.
Kompliet tgħid li l-aħħar darba li marret l-appartament tiegħu u qallha toqgħod ħdejh qabdet il-baskett u telqet. Qalet li kienu ftehmu jiltaqgħu biex iħallasha u marret għandu u dakinhar provaha jistupraha. F’ħin minnhom l-imputat irċieva telefonata u hi rċeviet messaġġ mill-għarus u x’ħin rat il-messaġġ tiegħu li fih qallha jħobha iddeċidiet li daqshekk.
Spjegat li marret ħdejn l-akkużat qaltlu li se titlaq u l-flus seta’ jżommhom. Kompliet tgħid li taha €100 u minflok telqet baqgħet fit-tarf tas-sodda u qaltlu li użaha u ħolqilha dwejjaq kbar u telqet.
Wara fetħet qalbha mal-għarus u rrapportat lill-imputat. Fil-Qorti hija kkonfermat li kienet bagħtet messaġġ lill-imputat li tħobbu.
Min-naħa tiegħu, l-imputat xehed li t-tfajla bdiet taħdem miegħu u bdiet turih li moħħha fih u li kienet tgħir għall-impjegati l-oħra. Qal li darba marret tbusu u darba qaltlu li tħobbu u wara li bisitu fil-ħanut marru għandu. Qal ukoll li bdiet tistiednu jagħmlilha massage u provokatu li jkollhom relazzjoni sesswali iżda ma rnexxilux. Qal li l-għada marret ix-xogħol u tagħtu bewsa.
Qal li t-tieni darba staqsietu biex imorru d-dar tiegħu u bdiet tbusu u kellhom relazzjoni sesswali. Qal li meta kienet se tinkixef mal-għarus li qed teqlibhielu għamlet rapport li qed jistupraha. Il-Qorti qalet li wara li għarblet ix-xhieda tagħhom it-tnejn innotat li hija marret b’mod volontarju għandu anke jekk għal grazzja tal-argument l-ewwel darba ħadet xokk marret għandu tliet darbiet oħra.
Qalet li miċ-chats joħroġ li kien hemm ħbiberija bejniethom li tmur lil hinn bejn imgħallem u ħaddiem. Qalet li jidher li hi kienet infatwata warajh tant li darba qaltlu ħu divorzju u żżewwiġni. Qalet li t-tfajla kienet inkonsistenti fix-xhieda tagħha. Innotat kif wara li kellhom relazzjoni sesswali hija baqgħet fl-appartament.
Għaldaqstant il-Qorti ippredestura mill-Maġistrat Yana Micallef Stafrace ma sabitx lir-raġel ħati u lliberatu. Għal Mustafa Abu Seadah deher l-Avukat Stefano Filletti. Il-prosekuzzjoni tmexxiet mill-Ispettur Daryl Borg.
