Lokali Qorti

€500 multa għal partitarju tal-PL fuq disprezz lejn il-Qorti: Jinsab mixli li hedded lil Robert Aquilina meta kiteb “ħaqqu barmil aċidu”.

Partitarju Laburista ġie kundanndat iħallas multa ta’ €500 fuq disprezz lejn il-Qorti wara li ma attendiex għal kawża quddiem il-Maġistrat Ian Farrugia li fiha qed jiġi mixli li hedded lill-President tal-NGO – Repubblika Robert Aquilina meta fuq Facebook qal li jistħoqqlu “landa aċidu”.

Fil-bidu ta’ Marzu li għadda, Aquilina kien ppreżenta rapport lill-pulizija fuq kumment onlajn ta’ Johan Beverley Vella li fil-konfront tiegħu kien ingħad diskors ta’ theddid u dan talli pprotesta quddiem l-uffiċċju tal-eks Prim Ministru Joseph Muscat.

Aquilina kien innota wkoll li Vella jħobb “jiddiletta jippoża għar-ritratti mal-Prim Ministru Robert Abela” u ġieli wkoll ippubblika fuq il-midja soċjali ritratti “bl-armi qattiela f’idu.” Filwaqt li kien osserva wkoll li l-kumment mhu xejn għajr “inċitament għall-mibegħda u għall-vjolenza,” Aquilina rrimarka li l-laned tal-aċtu kienu wieħed mill-mezzi użati mill-Mafja biex joqtlu lil min jiqfilhom.

Il-grupp kontra l-korruzzjoni Repubblika kien dak ingar barra l-uffiċċju tal-eks Prim Ministru Joseph Muscat iffinanzjat mill-pubbliku li matulha waħħlu kartellun li tgħid ‘Joseph Muscat Prim Korott’ Vella kien kiteb “jekk xi clown iwaħħal iż-żibel fuq il-propjeta’ tiegħi nitfalu barmil aċidu fuqu,” qabel ma żied jgħid li Aquilina huwa “żibel.”

F’post fuq Facebook akkumpanjat b’immaġini li juru lil Vella mal-prim ministru Robert Abela u ieħor li fih jidher jaħbi arma awtomatika flimkien mal-partitarju akkanit ieħor tal-Partit Laburista. Il-Maġistrat Ian Farrugia għamel xi ħin jistenna lill-akkużat jidħol fl-awla tiegħu, imma dan baqa ma tfaċċax u għalhekk ordni li nhar it-Tnejn 27, ta’ Novembru huwa jinġieb b’mandat ta’ arrest lejn il-Qorti. Għal Robert Aquilina deher l-Avukat Jason Azzopardi filwaqt li l-prosekzzjoni tmexxiet mill-Ispettur Joseph Busuttil.