Sewwieq ta’ mutur ittieħed l-Isptar Mater Dei wara li kien involut f’inċident tat-traffiku fi Triq il-Ġnejna, l-Imġarr. Il-każ seħħ ilbieraħ, għall-ħabta tal-1030pm.
Mill-ewwel stħarriġ irriżulta li ġuvni ta’ 19-il sena residenti l-Mellieħa tilef il-kontroll tal-mutur
li kien qed isuq u waqa’.
Huwa ngħata l-għajnuna minn tim mediku, ittieħed l-isptar b’ambulanza u ġie ċċertifikat li
sofra ġrieħi gravi.
L-investigazzjonijiet mill-Pulizija għadhom għaddejjin.
